Olar qazir sharshy metrine orta eseppen 300 000 teńge surap otyrǵan kórinedi
Rıeltorlardyń aıtýynsha, Qapshaǵaı qalasynda baspana baǵasy birden 40 paıyzǵa qymbattap ketti – dep habarlady Almaty-akshamy.kz.
31-telearnanyń «Informbúro» jańalyqtar baǵdarlamasynda aıtylǵandaı, Qapshaǵaıda jyljymaıtyn múlik naryǵy kúrt jandanǵan. Qalanyń oblys ortalyǵy bolady degen habardan keıin isker satýshylar páter baǵasyn birden kóterip jibergen. Rıeltorlardyń aıtýynsha, baspana 40 paıyzǵa qymbattaǵan. Olar qazir sharshy metrine orta eseppen 300 000 teńge surap otyrǵan kórinedi.
Birneshe kúnnen beri jarnamalarda baǵa ózgerip jatyr. Buryn «bir bólmeli páter» úshin satýshylar jeti mıllıon teńge surasa, qazir bastapqy baǵa 11 mıllıon teńgege jetti. Zúlfıa Musagımovanyń joly boldy: ol dúrbeleńge deıin úsh bólmeli páter satyp aldy.
«Bir aı buryn 12 mıllıonǵa páter satyp aldym. Páterdi jóndeýge úsh mıllıon ketti. Al endi qazir satqym kelse, bul páterge 20 mıllıondaı suraı alamyn», – deıdi Qapshaǵaı qalasynyń turǵyny Zúlfıa Musagımova.
Bir qyzyǵy, jyljymaıtyn múlikke negizinen Taldyqorǵan, Qaskeleń jáne Shymkent qalalarynyń turǵyndary qyzyǵýshylyq tanytady. Jalǵa berý naryǵynda jaǵdaı basqasha. Baǵalary burynǵydaı. Shyn máninde, suranys usynystan áldeqaıda asyp túsedi.
«Sonymen qatar 60 myńdyq bir bólmeli páter quny óte sırek kezdesedi. Bir bólmeli páterdi jalǵa alý quny 80 jáne 100 myńnan. Eki bólmeli páter 125 myń, úsh bólmeli páter 150 myń. Al qazir ondaı páterdi Qapshaǵaıdan taba almaısyz. Mundaı baǵalar bizde shamamen úsh-tórt aı buryn qalyptasqan. Nege ekeni áli anyq emes, biraq barlyǵy suranysqa baılanysty. Jalpy jaldamaly baspana jetkiliksiz», – deıdi jyljymaıtyn múlik agenttiginiń dırektory Alma Qadyrbaeva.
Jańa oblys ortalyǵyna turǵyndar legi burynǵydan da arta túspek. Sondyqtan da 40 paıyzǵa qymbattaǵan baspana men jer quny áli sharyqtaý shegine jetken joq dep boljaýǵa bolady.