2021 jyldyń sońynda birneshe sporttyq saýyqtyrý kesheniniń qurylysy aıaqtalady
Elordadaǵy «Ekspo» Kongres-Ortalyǵynda «Altyn Samǵaý-2021» Ulttyq Sporttyq júldesin tabystaý rásimi ótti.
Ulttyq Olımpıadalyq komıtettiń uıymdastyrýymen ótken is-sharada «Elimizdiń eń úzdik sporttyq aımaǵy» da anyqtaldy, dep habarlaıdy Olympic.kz.
Bul atalym boıynsha Almaty qalalyq dene shynyqtyrý jáne sport basqarmasy úzdik dep tanyldy.
Aıta ketelik, qalada 3611 sporttyq nysan jumys istep tur. Sońǵy jylda 212 arena qoldanysqa berilgen.
Sondaı-aq, 2021 jyldyń sońynda birneshe sporttyq saýyqtyrý kesheniniń qurylysy aıaqtalady.
Qazirgi tańda Almaty qalasynyń 1033 sportshysy Qazaqstan ulttyq qurama komandalarynyń qataryna enip, Azıa, álem chempıonattary men ózge de respýblıkalyq jáne halyqaralyq týrnırlerde joǵary nátıje kórsetip júr.