Depýtattarǵa jańa mandattar berildi.
20 shildede Almaty qalasynda qalalyq máslıhattyń kezekten tys XXIII sesıasy ótti. Sesıa barysynda Almaty qalasy aýmaqtyq saılaý komısıasynyń qaýlysy jáne AMANAT pen «Qazaqstan Halyq partıasy» partıalary fılıaldarynyń sheshimderi negizinde jáne berilgen ótinishterge sáıkes 11 depýtatty almastyrý júrgizildi, dep habarlaıdy Almaty-akshamy.kz.
Kelesi depýtattarǵa jańa mandattar berildi:
1) Matyjanov Kenjehan İslámjanuly – M.Áýezov atyndaǵy Ádebıet jáne óner ınstıtýtynyń dırektory, fılologıa ǵylymdarynyń doktory, AMANAT partıasynyń múshesi.
2) Taıtóleev Tóleýǵalı Muhamedjanuly – Almaty energetıka jáne elektrondyq tehnologıalar kolejiniń dırektory, Almaty qalasy Qoǵamdyq keńesiniń múshesi, AMANAT partıasynyń múshesi.
3) Jandaı Sana Shaıhanqyzy – «ADANAZ» JSHS dırektory, AMANAT partıasynyń múshesi.
4) Jumabaev Baqytbek Áshimuly – «Jan-M» JSHS Bas dırektory, Qazaqstannyń kógaldaǵy hokeı Federasıasynyń vıse-prezıdenti, AMANAT partıasynyń múshesi.
5) Qaraǵulov Erulan Serikuly – «Almaty servıstik qyzmet kórsetý koleji» KMQK dırektory, AMANAT partıasynyń múshesi.
6) Kotenev Artýr Edýardovıch – «AlmatyEngineering» JSHS dırektory, AMANAT partıasynyń múshesi.
7) Shamova Araılym Mátjanqyzy – «№201 mektep-gımnazıa» KMM dırektory, AMANAT partıasynyń múshesi.
8) Erlan Dıana Erlanqyzy - Almaty qalasy Qoǵamdyq keńesiniń, Otbasy, áıelder isteri jáne balalardyń quqyqtaryn qorǵaý jónindegi Respýblıkalyq keńestiń múshesi, AMANAT partıasynyń múshesi.
9) Ramazan Bekbol Batyrjanuly – L.B. Goncharov atyndaǵy Qazaq avtomobıl jol akademıasynyń prorektory, Almaty qalasy Qoǵamdyq keńesiniń múshesi, AMANAT partıasynyń múshesi.
10) Sultanǵalıev Tamerlan Melsuly – «Qazaqstan Halyq partıasy» Almaty qalalyq fılıalynyń tóraǵasy, «Qazaqstan Halyq partıasy» partıasynyń múshesi.
11) Muhamedǵalıev Talǵat Ablaıuly – «Tutynýshylar men kásipkerlerdiń quqyqtaryn qorǵaý odaǵy» RQB Almaty fılıalynyń basshysy, «Qazaqstan Halyq partıasy» partıasynyń múshesi.
Sapalyq quramy boıynsha ǵylym men bilim salasy ókilderiniń sany eki ese ósip, 20% qurady, BAQ jáne ÚEU - 21% deıin ósti. Sonymen qatar, máslıhattyń jańa depýtattary eki kóp balaly ana boldy.
Partıalyq tizimder boıynsha saılaý júıesi almastyrýdy kózdeıdi. Bul prosedýra álemniń damyǵan elderinde is júzinde keńinen qoldanylady jáne merıtokratıa men partıaishilik birlik qaǵıdattaryn iske asyrýdyń jarqyn mysaly bolyp tabylady. Osy prınsıpter partıalardyń rezervtik tizimderindegi basqa múshelerine ózderin júzege asyrýǵa múmkindik beredi.
Almastyrý mandattardy qaıta bólý jáne berilgen ótinishterge sáıkes M.A. Ádilhanovty, L.E. Ibragımovany, E.Z. Talbıdınovty, Q.Q. Sársenbaıdy, A.A. Júdebaevty, M.M. Zýleevti, R.Ch. Bólekbaevany, Á. Qurmanbekti partıalyq rezervke qosý esebinen boldy. Sondaı-aq partıalar tarapynan óz quramynan kelesi músheler shyǵaryldy: Q.Q. Qudaıbergen «AMANAT» partıasynan, A.B. Abylqasymova Qazaqstan Halyq partıasynan jáne A.T. Shapenov Qazaqstan Halyq partıasynan (óz qalaýy boıynsha).
AMANAT partıasynyń qalalyq fılıalynyń partıalyq rezervinde 50-ge jýyq adam, "Qazaqstan Halyq partıasy" qalalyq fılıalynyń partıalyq tiziminde 10-nan astam partıa múshesi bar.