Megapolıs turǵyndary dástúr boıynsha qyrkúıektiń úshinshi jeksenbisinde, al bıylǵy jyly 15 qyrkúıekke sáıkes keletin Qala kúnin atap ótedi, dep habarlaıdy aqshamnews.kz.
Almatylyqtar men qala qonaqtary «Almaty – ortaq úıimiz» aksıasy aıasynda qala aýdandarynda ótetin túrli merekelik is-sharalardy tamashalaýmen qatar, keshki ýaqytta qalanyń basty nysandaryn merekelik jaryqtandyrýdy kóre alady. Bul jarqyn kórinis barlyq turǵyn men týrıser úshin merekelik quttyqtaýlardyń núktesi ispetti.
Telemunaranyń saltanatty sáýlettik jaryqtandyrylýy 30 tamyzda iske qosylǵan bolatyn jáne kelesi keste boıynsha jumys isteıdi: kún saıyn saǵat 20.00-den 5.00-ge deıin munara fondyq rejımde projektorlarmen jaryqtandyrylady.
Mereke kúnderi saǵat 21.00-den 2.00-ge deıin mýltımedıalyq merekelik vıdeorolık qosylady. Saǵat 02.00-den 5.00-ge deıin qurylym projektormen jaryqtandyrylady.
Esterińizge sala keteıik, «Kóktóbe» telemunarasynyń medıa qasbetterindegi mýltımedıalyq shoý — Almaty sımvoldary biriniń jańarǵan jaryqtanýynyń bir bóligi.