Almaty ákimi Erbolat Dosaevtyń ókimimen qalanyń Komýnaldyq ınfraqurylymdy damytý basqarmasynyń basshysy laýazymyna Dýlat Ashkenov taǵaıyndaldy, dep habarlaıdy Almaty-akshamy.kz
Dýlat Ashkenov 1987 jyly 7 maýsymda dúnıege kelgen. Qaraǵandy memlekettik tehnıkalyq ýnıversıtetiniń jáne Qaztutynýodaǵy Qaraǵandy ekonomıkalyq ýnıversıtetiniń túlegi.
Eńbek jolyn 2008 jyly Qaraǵandy oblysynyń jolaýshylar kóligi jáne avtomobıl joldary basqarmasynyń bólim mamany qyzmetinen bastaǵan.
Ár jyldary Qaraǵandy oblysynyń jol-kólik ınfraqurylymy men jolaýshylar kóligin damytý boıynsha memlekettik qurylymdarda jumys istedi.
2017-2022 jyldary Astana qalasy Esil aýdany ákiminiń apparatynda jumys istedi, Nur-sultan qalasynyń aktıvter jáne memlekettik satyp alý basqarmasynda basshylyq laýazymdardy atqardy.
2022 jyldan bastap qazirgi taǵaıyndaýǵa deıin Almaty qalasy Komýnaldyq ınfraqurylymdy damytý basqarmasy basshysynyń orynbasary bolyp jumys istedi.