Qala ákiminiń ókimimen QR Prezıdenti Ákimshiliginiń jáne Almaty qalasy máslıhatynyń kelisimi boıynsha Jetisý aýdanynyń ákimi bolyp Lázzat Jylqybaeva taǵaıyndaldy, dep habarlaıdy almaty-akshamy.kz.
Lázzat Jylqybaeva 1975 jyly 29 naýryzda týǵan. Qazaq memlekettik qyzdar pedagogıkalyq ınstıtýtyn, H. A. Iassaýı atyndaǵy Halyqaralyq qazaq-túrik ýnıversıtetin, Ekonomıka jáne quqyq akademıasyn bitirgen.
Eńbek jolyn Almatydaǵy №1 Qazaq pedagogıkalyq koleji tarıh pániniń muǵalimi qyzmetinen bastaǵan.
2006 jyldan bastap Almaty qalasy bilim basqarmasynyń qurylymynda jumys istedi. 2012-2016 jyldary Almaty qalasy Bilim basqarmasy bilim bóliminiń basshysy boldy. 2016-2019 jyldary Almaty qalasy Bilim basqarmasy basshysynyń orynbasary bolyp jumys istedi.
2019 jylǵy jeltoqsannan bastap qazirgi taǵaıyndaýǵa deıin Almaty qalasy Bilim basqarmasynyń basshysy qyzmetin atqardy.