Bıyl ata-babamyz ańsaǵan qasterli táýelsizdigimizdiń 30 jyldyǵy toldy. Táýelsizdigimizdiń 30 jyldyǵyna oraı jáne «Nur Otan» partıasy janyndaǵy «Jas Otan» Jastar qanatynyń Respýblıkalyq 2025 jylǵa deıingi «Jastar – Otanǵa!» baǵdarlamasynyń «Sapaly bilim» ındıkatoryn júzege asyrý aıasynda Almaty qalasynyń jastary, ıaǵnı JOO jáne TjKB stýdenteri, arasynda debattan týrnır ótkizýdi qolǵa aldyq.
Týrnırdiń negizgi maqsaty – jastar arasynda táýelsizdigimizdi nasıhattap, tarıhymyzdy eske ala otyryp, debatqa qyzyǵýshy jastarǵa qoldaý kórsetý.
Qazan aıynyń 23-juldyzynda Almaty qalasy jastarynyń arasynda «ZOOM» platformasy arqyly «Bolashaq kilti – jastar qolynda» taqyrybynda «Jas Otan CUP I» debattyq týrnır ótti. Týrnır tolyǵymen onlaın formatta ótti.
Debattyq oıynǵa 20 fraksıa qatysyp, APF jáne BPF formattarynda ótti. Qararlar búgingi kúnde ózekti taqyryptar aıasynda boldy.
Qatysýshylarǵa arnaıy bir kún buryn týrnır erejelerin túsindirý maqsatynda bas tóreshiniń qatysýymen master-klass ótti.
Týrnır nátıjesi boıynsha, júldeli 1-orynǵa Almaty Joǵary medısınalyq kolejiniń «YOLO» fraksıasy, 2-orynǵa №2 Almaty memlekettik gýmanıtarlyq-pedagogıkalyq kolejiniń “BEST” fraksıasy, al 3-orynǵa Almaty avtomehanıka kolejiniń “JAS MAMANDAR” fraksıasy ıelendi.
Almaty qalasy «Jas Otan» Jastar qanatynyń tóraǵa orynbasary Ákejan Baqytuly:
«Memlekettik tildegi debattyq qozǵalys jańa satyǵa kóterilip keledi. Apta saıyn ótip otyrǵan debattyq oıyndar jastar arasynda talpynysty kóbeıtip, olardyń jan-jaqty bolýyna, jańa erýdısıaly ortaǵa túsýine, óz kózqarastaryn saýatty jetkizýne yqpal etedi», - dedi.