Bilim jáne ǵylym mınıstri Asqat Qanatuly óziniń feısbýk-akkaýntynda mektepter, kolej ben JOO-da debat qozǵalysynyń qaıta jandanýy máselesine kóńil bólgen edi.
Osy oraıda, Almaty jastarynyń arasynda debat oıyndaryn jańǵyrtý, jastardyń jan-jaqty damýy, olardyń azamattyq belsendiligin arttyrý maqsatynda Almaty qalasy ákimdigi Qoǵamdyq damý basqarmasy jáne Almaty qalalyq “Jas Otan” Jastar Qanatynyń qoldaýymen, "Volonterlar lıgasy" Qoǵamdyq qory jáne Almaty pikirsaıys federasıasynyń uıymdastyrýymen «BİLİMDİ URPAQ – EL BOLASHAǴY» taqyrybynda 2 kúndik «APF Premıým 2» pikirsaıys týrnıri ótti.
Týrnırdiń birinshi bóligi onlaın formatta «ZOOM» platformasy arqyly ótti. Qatysýshylardy aldyn-ala tirkep, bas tóreshi qarsylas komandalardy atap ótken soń, «ZOOM» platformasynyń múmkindikterin paıdalana otyryp, fraksıalardy sesıa zaldaryna ótkizdik. Týrnır onlaın formatta ótkenimen, bir-birine kedergisiz, tez ári yńǵaıly ótti.
Jartylaı fınal “Jas Otan” Jastar Qanatynyń Almaty qalalyq fılıalynda ótti. İriktelgen 8 fraksıa arasynda taıtalas bolyp, jeńiske №2 Almaty memlekettik gýmanıtarlyq-pedagogıkalyq kolejiniń “BEST” fraksıasy, 2-orynǵa Quqyq kolejiniń «BL» fraksıasy, al 3-orynǵa «Baýyrsaqtar» jáne «Avtomatıkı» fraksıalary jeńiske jetti.
Debat oıyndarynyń damýy jastarymyzǵa úlken múmkindikter ákelip otyr. Jańa formattardyń paıda bolýy, oıynshylarǵa kórsetiletin qoldaý pikirsaıysty jańa satyǵa kóteredi. Jalpy debat oıyndary oratorlyq sheberlikti damytyp qoımaıdy, adamnyń jan-jaqty bolýyna, ishki saıasat pen syrtqy saıasattan habardar bolýyna, saıası pikirdiń qalyptasýyna, saıası saýatty urpaqtyń ósýine yqpalyn tıgizedi.