Almaty qalasy boıynsha QAJ departamentiniń qaýipsizdigi barynsha tómen №13 mekemesinde 372 oryndyq jataqhana, 120 oryndyq asqana jáne 48 oryndyq shaıhanasy bar jańa ǵımarat paıdalanýǵa berildi.
Jańa ǵımarat monsha-kir jýý keshenimen jabdyqtalǵan, dep habarlaıdy aqshamnews.kz Polisia.kz-ke silteme jasap.
Atalǵan ǵımarat sottalǵandardy ustaý jaǵdaıyn jaqsartý jáne jazany oryndaý júıesin modernızasıalaý maqsatynda salyndy. Abaısyzda qylmys jasaǵandar jazasyn óteıtin qaýipsizdigi barynsha tómen mekemedegi jańa modýldy ǵımaratqa 156 beınekamera ornatylyp, sottalǵandar jatatyn bólmeler eki qabatty tósektermen, kúndelikti turmysqa qajetti jıhazdarmen jáne salqyndatqysh qurylǵylarmen jabdyqtaldy. Sottalǵandarǵa arnalǵan asqana men shaıhana da as daıyndaýǵa qajetti qural-jabdyqtarmen, ústel jáne oryndyqtarmen tolyqtaı jabdyqtalyp, sottalǵandardyń bos ýaqyttarynda demalýlaryna jáne kitap oqyp, teledıdar kórýlerine arnalǵan bólmelerge de kerekti jıhazdar qoıyldy. Jańa ǵımaratta mekeme qyzmetkerleriniń de jumys isteýine qolaıly jaǵdaı jasalǵan.