2023 jyly sport jáne dene shynyqtyrýmen aınalysatyn erekshe qajettilikteri bar adamdar sany 56 822-ni qurady. Bul týraly búgin QR Týrızm jáne sport mınıstrliginiń baspasóz qyzmeti málimdedi.
Mınıstrlik taratqan aqparatqa sáıkes, 10 kúnnen keıin Parıjde XVII Jazǵy Paralımpıada oıyndary bastalady. Osy joly Qazaqstan quramasy rekordtyq joldamaǵa ıe boldy.
«Bizdiń qurama sporttyń 9 túrinen (parajúzý, para paýerlıftıng, para jeńil atletıka, para kanoede esý, para taekvondo, otyryp oınaý voleıboly – erler, para atý, para ústel tenısi, para dzúdo) 33 lısenzıa ıelendi. Jalpy 44 sportshy Parıjge barady. Aıta ketý kerek, kanoede esý (áıelder), ústel tenısi jáne otyryp oınaý voleıbolynan alǵash ret lısenzıa jeńip aldyq», - delingen habarlamada.
Sonymen qatar, Astanada 8-13 qyrkúıek aralyǵynda osy jyldyń mańyzdy oqıǵalarynyń biri – Dúnıejúzilik Kóshpendiler oıyndary ótedi. Bul aýqymdy sharaǵa 100-ge jýyq memlekettiń delegasıasy qatysady dep kútilýde. 2500-den astam sportshy ózara baq synasady. Qazirgi ýaqytta 89 el óz qatysýyn resmı túrde rastady. Kóshpendiler oıyndarynda ulttyq sporttyń 21 túrinen 97 medal jıyntyǵy sarapqa salynady.