- «Almaty memlekettik polıtehnıkalyq koleji» MKQK dırektory, laýazymdyq aqysy shtat kestesine sáıkes. Zańdy mekenjaıy: Tastaq-1 y/a, 1V. Tel.: 393-41-91, 393-39-52.
- «Almaty qurylys-tehnıkalyq koleji» MKQK dırektory, laýazymdyq aqysy shtat kestesine sáıkes. Zańdy mekenjaıy: Saın kóshesi, 32. Tel.: 268-00-08.
- «Almaty sán jáne dızaın koleji» MKQK dırektory, laýazymdyq aqysy shtat kestesine sáıkes. Zańdy mekenjaıy: Raıymbek dańǵyly, 174. Tel.: 233-43-25.
Kandıdatqa qoıylatyn biliktilik talaptary: tıisti beıin boıynsha joǵary (joǵary oqý ornynan keıingi) pedagogıkalyq bilim nemese ózge de kásiptik bilim nemese pedagogıkalyq qaıta daıarlaýdy rastaıtyn qujat; bilim berý salasyndaǵy pedagogıkalyq jumys ótili sońǵy bes jyldan kem emes, onyń ishinde tehnıkalyq jáne kásiptik, orta bilimnen keıingi bilim berý uıymy basshysynyń orynbasary laýazymyndaǵy jumys ótili bir jyldan kem emes nemese tıisti beıin boıynsha; pedagogtiń birinshi nemese joǵary biliktilik sanatynyń, pedagog-sarapshynyń nemese pedagog-zertteýshiniń nemese pedagog-sheberdiń biliktilik sanatynyń bolýy (memlekettik qyzmetshilerdi, pedagogıkalyq ótili keminde bes jyl joǵary oqý oryndary oqytýshylarynyń qyzmetkerlerin, ádistemelik kabınetter (ortalyqtar) ádiskerlerin, biliktilikti arttyrý júıesin, óndiristen ótken tulǵalardy qospaǵanda).
Laýazymdyq mindetteri: Qazaqstan Respýblıkasynyń zańnamasyna jáne bilim berý uıymynyń jarǵysyna sáıkes oqý-ádistemelik, ǵylymı-ádistemelik, ákimshilik-sharýashylyq jáne qarjy-ekonomıkalyq qyzmetine basshylyq jasaıdy.
Oqý jumys josparlary men baǵdarlamalaryn, oqý prosesiniń kestesin, ishki tártip erejesin bekitedi.
Bilim berý uıymynyń basqarý qurylymyn, shtattyq kestesin, qyzmetkerleriniń laýazymdyq nusqaýlyqtaryn bekitedi.
Bilim alýshylardyń kontıngentin qalyptastyrady, olardyń áleýmettik qorǵalýyn qamtamasyz etedi.
Tehnıkalyq jáne kásiptik bilim berý uıymdarynda qoǵamdyq tamaqtandyrý, medısınalyq qyzmet kórsetý uıymdarynyń jumys isteý jáne olardyń jumysyna baqylaýdy uıymdastyrý úshin qajetti jaǵdaılarmen qamtamasyz etedi.
Jumys berýshilermen jáne áleýmettik áriptestermen júrgiziletin jumysty úılestiredi.
Qolda bar múlikter men quraldarǵa bılik júrgizedi, oqý-materıaldyq bazany toltyrýdy jáne onyń esebi men saqtalýyn, sanıtarlyq-gıgıenalyq erejeler tártibiniń saqtalýyn qamtamasyz etedi.
Materıaldyq-tehnıkalyq bazany qaıta jaraqtaýdy jáne qaıta qurýdy uıymdastyrady.
Pedagogıkalyq keńestiń jumysyn basqarady.
Bilim berý uıymynyń oqytý qyzmetiniń salasyn durys ustaý jáne keńeıtý maqsatynda ınovasıalyq bilim tehnologıalaryn engizýdi jáne tartýdy qamtamasyz etedi.
Kadrlardy irikteý men ornalastyrýdy júzege asyrady, pedagogıkalyq jáne tárbıe prosesiniń qajetti deńgeıin qamtamasyz etedi, olardyń biliktiligi men kásibı sheberligin arttyrý úshin jaǵdaı jasaıdy.
Úzdiksiz kásiptik oqytý jóninde bilim berý uıymdarymen birlesken jumys boıynsha jalpy basshylyqty júzege asyrady.
Jurtshylyqpen baılanysty qamtamasyz etedi, ata-analarmen (olardyń ornyn basýshy adamdarmen) júrgiziletin jumysty úılestiredi.
Joǵary turǵan, qoǵamdyq jáne ózge de uıymdarda bilim berý uıymynyń múddesin bildiredi.
Áleýmettik seriktestik jáne halyqaralyq yntymaqtastyqty keńeıtý jónindegi sharalardy júzege asyrady.
Ýákiletti organǵa (quryltaıshyǵa) oqý, ǵylymı jáne qarjylyq qyzmet nátıjeleri týraly jyl saıynǵy esepti usynady.
Eńbekti qorǵaý, tehnıkalyq qaýipsizdik jónindegi zańnamalyq jáne ózge de normatıvtik quqyqtyq aktiler talaptaryn oryndaýdy qamtamasyz etedi jáne qaýipsiz eńbek etýge jaǵdaı jasaıdy.
Biliktilik sanattaryn berý (rastaý) kezinde qoıylatyn tehnıkalyq jáne kásiptik, orta bilimnen keıingi bilim berý uıymdarynyń basshylary men basshylary orynbasarlarynyń tıimdilik kórsetkishterine sáıkes keledi.
Laýazymdyq jalaqy mólsheri jumys ótiline baılanysty 101.404 teńgeden 122.994 teńgege deıin.
Konkýrs Qazaqstan Respýblıkasy Bilim jáne ǵylym mınıstriniń 2012 jylǵy 21 aqpandaǵy №57 «Memlekettik orta, tehnıkalyq jáne kásiptik, orta bilimnen keıingi bilim berý uıymdarynyń basshylaryn konkýrstyq ornalastyrý jáne memlekettik mektepke deıingi, orta, tehnıkalyq jáne kásiptik, orta bilimnen keıingi jáne qosymsha bilim berý uıymynyń basshysy laýazymyna konkýrstyq taǵaıyndaý qaǵıdalaryn bekitý týraly» buıryǵy negizinde ótkiziledi (ári qaraı – Qaǵıda) (Qaǵıda jańa redaksıada – QR Bilim jáne ǵylym mınıstriniń 21.05.2020 j №213).
Konkýrsqa qatysýǵa ótinimderdi berý buqaralyq aqparat quraldarynyń resmı basylymdarynda («Almaty aqshamy», «Vechernıı Almaty» gazetinde) jáne Almaty qalasy bilim basqarmasynyń edualmaty.kz. saıtynda konkýrs ótkizý týraly habarlandyrý jarıalanǵan sátten bastap 7 jumys kúni ishinde júzege asyrylady.
Konkýrsty ótkizý merzimi joǵaryda kórsetilgen Qaǵıdaǵa sáıkes belgilenedi.
Konkýrs onlaın rejımde Almaty qalasy, Respýblıka alańy, 4 mekenjaıynda ótkiziledi.
Konkýrsqa qatysý úshin qajetti qujattardy kelesi mekenjaıǵa tapsyrý kerek: Memlekettik korporasıaǵa (Azamattarǵa arnalǵan úkimet) ne 050001, Almaty qalasy, Respýblıka alańy, 4, Almaty qalasy bilim basqarmasy.
«Almaty qalasy bilim basqarmasy» KMM ne Memlekettik korporasıa (Azamattarǵa arnalǵan úkimet) laýazymǵa ornalastyrý úshin mynandaı qujattardy qabyldaýdy júzege asyrady:
1) osy Qaǵıdalarǵa 3-qosymshaǵa sáıkes nysan boıynsha ótinish;
2) jeke basyn kýálandyratyn qujat (sáıkestendirý úshin);
3) bilim týraly memlekettik úlgidegi qujattyń kóshirmesi;
4) eńbek qyzmetin rastaıtyn qujattyń kóshirmesi;
5) kadrlardy esepke alý jeke paraǵy jáne foto;
6) aldyńǵy jumys ornynan óndiristik minezdeme;
7) qoldanystaǵy biliktilik sanaty jáne ǵylymı dárejesi týraly qujattyń kóshirmesi (bolǵan jaǵdaıda);
8) Qazaqstan Respýblıkasy Densaýlyq saqtaý mınıstriniń mindetin atqarýshynyń 2010 jylǵy 23 qarashadaǵy №907 «Densaýlyq saqtaý uıymdarynyń alǵashqy medısınalyq qujattama nysandaryn bekitý týraly» buıryǵymen (Normatıvtik quqyqtyq aktilerdi memlekettik tirkeý tiziliminde №6697 bolyp tirkelgen) bekitilgen nysan boıynsha densaýlyq jaǵdaıy týraly anyqtama;
9) sottylyǵynyń joq ekendigi týraly anyqtama;
10) sybaılas jemqorlyq sıpatynda qylmys jasaǵany týraly málimettiń bolýy ne bolmaýy týraly anyqtama;
11) testileýden ótkeni týraly qujat (bolǵan jaǵdaıda);
12) biliktilikti arttyrý, qaıta daıarlaý kýrstarynan ótkeni týraly qujat (bolǵan jaǵdaıda);
13) bilim berýdegi menedjment boıynsha jetpis eki saǵattan kem emes biliktilikti arttyrý kýrstarynan ótkenin rastaıtyn qujat;
14) Bilim berý uıymyn damytýdyń perspektıvalyq jospary.
3), 4), 5), 6), 7) tarmaqshalarda kórsetilgen qujattardy jumys ornynan kadr qyzmeti nemese bilim berý uıymynyń jaýapty qyzmetkeri mórmen rastaıdy.
Konkýrsqa qatysý úshin kandıdat bilim berýdi basqarý organynyń qaraýyna onyń kásibı jetistikteri, biliktiligin arttyrý, ǵylymı zertteýler, óziniń pedagogıkalyq tájirıbesin jınaqtaý, nagradalary týraly materıaldardy, tıimdilik kórsetkishterine qol jetkizý týraly aqparatty usynady.
Qazaqstan Respýblıkasy «Pedagog mártebesi týraly» zańynyń 11-babynda kórsetilgen adamdar konkýrsqa qatysýǵa jiberilmeıdi.
Aqparatty naqtylaý úshin baılanys telefondary, elektrondyq mekenjaılary: 8(727)2622751, 8(727)2716627; faks: 8(727)2716509. Elektrondyq adres: u.edu@almaty.gov.kz.
Kolej dırektorlaryn konkýrstyq ornalastyrý birqatar dáıekti kezeńderden turady:
- konkýrsqa qatysýǵa nıet bildirgen adamdardan qujattardy qabyldaý;
- konkýrsqa qatysýshylardyń biliktiligin baǵalaý;
- zańnamany jáne pedagogıka, psıhologıa negizderin bilý úshin testileý (testileýden ótkeni týraly anyqtama bolǵan jaǵdaıda talap etilmeıdi);
- kandıdattardy memlekettik bilim berý uıymynyń qamqorshylyq keńesimen (budan ári – qamqorshylyq keńes) kelisý;
- bilim berýdi basqarý organynyń konkýrstyq komısıasynyń otyrysynda áńgimelesý.
Kandıdattar 1995 jylǵy 30 tamyzdaǵy Qazaqstan Respýblıkasynyń Konstıtýsıasyn, 2015 jylǵy 23 qarashadaǵy Qazaqstan Respýblıkasynyń Eńbek kodeksin, 2007 jylǵy 27 shildedegi Qazaqstan Respýblıkasynyń «Bilim týraly» zańyn, 2015 jylǵy 18 qarashadaǵy Qazaqstan Respýblıkasynyń «Sybaılas jemqorlyqqa qarsy is-qımyl týraly» zańyn, 2019 jylǵy 27 jeltoqsandaǵy Qazaqstan Respýblıkasynyń «Pedagog mártebesi týraly» zańyn jáne pedagogıka, psıhologıa negizderin bilýge arnalǵan testileýden ótedi.
Testileýden ótý kezinde kandıdat 120 suraqqa jaýap berýi qajet:
normatıvtik quqyqtyq aktiler boıynsha – 100 suraq;
pedagogıka jáne psıhologıa negizderi boıynsha – 20 suraq.
Testileýden ótý úshin shekti deńgeı ár baǵyt boıynsha 50%-dy quraıdy.
Testileý 2021 jyly 29 qyrkúıekte ótkiziledi.
Áńgimelesýge jiberilgen kandıdattardyń tizimi Almaty qalasy bilim basqarmasynyń saıtynda jarıalanady.
Kandıdattar áńgimelesýge jiberilgendigi týraly habarlama alǵan sátten bastap 3 jumys kúni ishinde Almaty qalasy bilim basqarmasynda onlaın rejımde áńgimelesýden ótedi.
Konkýrs nátıjelerine konkýrsqa qatysýshylar zańnamada belgilengen tártippen shaǵymdana alady.