Bul qyzmetke Álisher Ábdiqadyrov keldi.
Almaty ákimi Erbolat Dosaevtyń ókimimen QR Prezıdenti Ákimshiliginiń kelisimi boıynsha 2022 jylǵy 26 aqpanda Almaty qalasy ákiminiń orynbasary bolyp Ábdiqadyrov Álisher Elisuly taǵaıyndaldy, dep habarlady Almaty-akshamy.kz.
Álisher Ábdiqadyrov 1986 jyly 6 sáýirde Almaty qalasynda dúnıege kelgen. Lomonosov atyndaǵy Máskeý memlekettik ýnıversıtetiń túlegi, ekonomıka magıstri. «Eren eńbegi úshin» medalimen marapattalǵan (2017 j.).
Eńbek jolyn 2009 jyly QR Indýstrıa jáne saýda mınıstrliginiń Investısıalyq qyzmet departamenti ınvestısıalyq jobalar basqarmasynyń sarapshysy qyzmetinen bastaǵan.
2010-2013 jyldary – QR Indýstrıa jáne jańa tehnologıalar mınıstrliginiń Investısıalar jónindegi komıtetiniń bas sarapshysy, ınvestısıalyq jobalar basqarmasynyń basshysy, Strategıalyq josparlaý departamenti dırektorynyń orynbasary.
2014-2015 jyldary – QR Investısıalar jáne damý mınıstrliginiń Investısıalar komıteti tóraǵasynyń orynbasary.
Keıingi jyldary Pavlodar oblysynyń ındýstrıalyq-ınnovasıalyq damý basqarmasynyń basshysy (2015-2016 jj.), Astana qalasynyń Investısıalar jáne kásipkerlikti damytý basqarmasynyń basshysy (2016-2019 jj.) bolyp jumys istedi.
2019 jyly «QazIndustry» qazaqstandyq ındýstrıa jáne eksportty damytý ınstıtýty» AQ Basqarma tóraǵasy boldy.
2020 jyldan 2021 jylǵa deıin Qaraǵandy oblysy ákiminiń orynbasary bolyp jumys istedi.
2021 jyldan 2022 jylǵa deıin Qazaqstan Respýblıkasynyń Ulttyq ekonomıka vıse-mınıstri qyzmetin atqardy.