Almaty qalasy ákiminiń orynbasary Nurlan Ábdirahym men Qoǵamdyq densaýlyq saqtaý basqarmasynyń basshysy Marat Pashımov jumys saparymen medısınalyq uıymdardy aralady, dep habarlaıdy aqshamnews.kz
Sapar barysynda olar jetekshi qalalyq klınıkalardyń jumysymen, medısınalyq kómek kórsetý jaǵdaıymen jáne densaýlyq saqtaý ınfraqurylymyn damytý josparymen tanysty.
Eń áýeli olar Qalalyq jedel shuǵyl kómek kórsetý aýrýhanasyna bardy. Aýrýhana almatylyqtar men ózge óńirden kelgen pasıentterge shuǵyl jáne josparly medısınalyq kómek kórsetedi. Sapar barysynda olar aýrýhananyń qabyldaý bólimi, jansaqtaý jáne ota jasaý bloktary, sondaı-aq jaǵdaıdy taldaý ortalyǵynda bolyp, 2026 jylǵa josparlanǵan ǵımarattyń qasbetin kúrdeli jóndeý jáne sıfrlyq tehnologıa engizý máselelerine erekshe nazar aýdardy.
Odan keıin Qalalyq kardıologıalyq ortalyǵyn kórip shyqty. Munda kardıohırýrgıa salasyndaǵy jetistikter tanystyryldy. Inovasıalyq ádister men zamanaýı jabdyqtyń engizilýi arqasynda ortalyqqa qaralýshylar sany artqan, al ólim kórsetkishi edáýir tómendegen.
Odan keıin Qalalyq revmatologıalyq ortalyqqa - qaladaǵy biregeı monotaldaýly klınıkaǵa bardy. Munda kúnine 150-den astam pasıentke konsýltasıalyq kómek kórsetilip, jyl saıyn shamamen 2700 adam stasıonarlyq em alady. Munda qaladaǵy jalǵyz aýtoımmýndyq dıagnostıka zerthanasy bar
Keıin basshylar Qalalyq adam reprodýksıasy ortalyǵynda bolyp, onda aıaqtalǵan kúrdeli jóndeýmen tanysty. Munda prenataldyq jáne neonataldyq skrınıngten bastap, «Bir kúndik klınıka» formatyndaǵy qyzmetter men balalar gınekologıasyna deıingi keń aýqymdy medısınalyq kómek kórsetiledi. Aldaǵy ýaqytta EKO ortalyǵy men Genetıkalyq zertteýler ınstıtýtyn ashý josparlanǵan.
Sondaı-aq, delegasıa Ortalyq qalalyq klınıkalyq aýrýhanaǵa da bardy. Munda jańa korpýstyń qurylysy jobasymen tanysyp, KT jáne MRT kabınetteri bar dıagnostıkalyq bólimde boldy.
Jumys sapary aıasynda olar Balalar shuǵyl medısınalyq kómek kórsetý ortalyǵynda da boldy. 352 orynǵa arnalǵan stasıonarda jyl saıyn shamamen 100 myń balaǵa kómek kórsetiledi. 2024 jyldan bastap munda halyqaralyq Emergency standartyna saı jańa qabyldaý bólimi, jansaqtaý jáne ota jasaý blogy jumys isteıdi. Ortalyq zamanaýı dıagnostıkalyq quraldarmen jabdyqtalǵan ári eldiń ońtústik óńirindegi jalǵyz balalar kúıik bólimimen jáne Qazaqstandaǵy jalǵyz balalar oftalmologıalyq bólimimen erekshelenedi.
Qazir ortalyqta 60 jyldyq tarıhy bar negizgi ǵımaratty kezeń-kezeńmen qaıta jańǵyrtý jobasy ázirlenip jatyr, oǵan ınjenerlik júıe men ınfraqurylymdy jańartý kiredi.
Sondaı-aq, delegasıa Balalar qalalyq klınıkalyq juqpaly aýrýlar aýrýhanasynda boldy. 360 orynǵa arnalǵan bul stasıonarda 1980 jyly salynǵan ǵımaratty kúrdeli jóndeý máselesi talqylandy. Aýrýhana táýlik boıy juqpaly aýrýmen aýyratyn balalarǵa kómek kórsetip, qalanyń ınfeksıalyq qyzmetindegi negizgi býyn bolyp tabylady.
Qalalyq qan ortalyǵyna barýmen sapar aıaqtaldy. Munda donorlyq qandy skrınıngten ótkizýge arnalǵan besinshi býyndaǵy zamanaýı jabdyq ornatylǵan, bul adam faktoryn tolyqtaı joıady. 2025 jyldyń toǵyz aıynda ortalyqta shamamen 14 myń ret qan men onyń komponentteri donorlyqqa qabyldandy.
Jumys sapary Almaty qalasynda medısınalyq kómek sapasyn arttyrý jáne qalalyq densaýlyq saqtaý júıesin jetildirý baǵytyndaǵy júıeli jumystyń bir bóligi bolyp tabylady.