Almatydaǵy sheneýnikke qatysty shýly vıdeo tekserilip jatyr
Memlekettik qyzmet isteri departamenti Almaty qalalyq qoǵamdyq densaýlyq saqtaý basqarmasy basshysynyń orynbasary Laýra Myrzaǵalımen bolǵan atyshýly vıdeoǵa qatysty pikir bildirdi, dep habarlaıdy Almaty-akshamy.kz
Vedomstvonyń málimetinshe, áleýmettik jelide taraǵan vıdeoǵa qatysty tekserý bastaldy.
«Memlekettik qyzmet isteri agenttiginiń Almaty qalasy boıynsha departamenti Almaty qalasy qoǵamdyq densaýlyq basqarmasy basshysynyń orynbasary L. Myrzaǵalıge qatysty vıdeony zerttep jatyr. Departament óz quzyreti sheńberinde tıisti sharalar qabyldaıtyn bolady», - dedi Memlekettik qyzmet isteri agenttiginiń Almaty qalasy boıynsha departamentinde.
Buǵan deıin áleýmettik jelilerde Almaty qalalyq qoǵamdyq densaýlyq saqtaý basqarmasy basshysynyń orynbasary qyzmetkermen syıaqy týraly sóz talastyrǵan vıdeo paıda bolǵan edi.
Vıdeoǵa qatysty Almaty qalalyq qoǵamdyq densaýlyq saqtaý departamentinde de qyzmettik tekserý bastaldy.
«Qazirgi ýaqytta mán-jaıdy anyqtaý maqsatynda qyzmettik tekserý bastaldy, onyń qorytyndysy boıynsha tıisti sheshim qabyldanady», - dep túsindirdi qalalyq densaýlyq saqtaý basqarmasynda.
Sonymen qatar, Almaty ákiminiń baspasóz qyzmeti Laýra Myrzaǵalı qyzmetinen ýaqytsha shettetilgenin málim etti.