Bul jóninde depýtattardyń kezekten tys XXIV sesıasynda belgili boldy.
Almaty qalasy máslıhatynyń quramy ózgerdi. Bul jóninde depýtattardyń kezekten tys XXIV sesıasynda belgili boldy, dep habarlaıdy Almaty-akshamy.kz Almaty.tv silteme jasap.
Osyǵan deıin jergilikti palatada 7 turaqty komısıa bolsa, onyń sany 5-ke qysqardy. Sondaı-aq olardyń basshylyq quramy tolyǵymen jańartyldy.
«Usynylyp otyrǵan 7 komısıadan 5 komısıaǵa azaıtý – birinshiden, jumysymyzdy jeńildetetin bolsa, ekinshiden, halyqpen aramyzdaǵy baılanysty jaqsarta túsedi dep oılaımyn», – dedi qalalyq máslıhat depýtaty Almat Qodasbaev.
Aıta ketý kerek, alǵash ret komısıa basshylyǵyna «Aq jol» jáne «QHP» ókilderi kirdi. Qos fraksıanyń jetekshileri ózgerdi. AMANAT partıasynan paralampıadashy Serik Esmatov saılansa, «QHP» ókili Nursultan Shoqanov taǵaıyndaldy
«Depýtattardyń sala boıynsha qyzmeti eskerilgen. Ári qaraı da osy komısıanyń jumysy joǵary deńgeıde júredi degenge senim artamyz. Depýtattardyń barlyǵy óz mindetin jaqsy biledi. Sáttilik tilep, osy quramdy qoldaýǵa shaqyramyn», – dedi qalalyq máslıhat depýtaty Gúljan Bekenova.