Almaty qalasynyń prokýratýrasy kámeletke tolmaǵandardyń quqyqtary men zańdy múddelerin saqtaýǵa erekshe kóńil bóledi.
2024 jyldyń mamyrynda prokýratýranyń «Jibek Joly» Qaıyrymdylyq mekemeleriniń qaýymdastyǵy Zańdy tulǵalar birlestigine 26 mekemeniń memlekettik tirkeýiniń kúshin joıý jáne taratý týraly talap-aryzyn qanaǵattandyrý jónindegi sheshimi zańdy kúshine endi, dep habarlaıdy Almaty-akshamy.kz Almaty qalasynyń prokýratýrasyna silteme jasap.
Buryn júrgizilgen tekserýler, mekemelerdiń jumysy is júzinde olardyń jarǵylyq maqsattaryna qaıshy keletinin jáne olardyń keıbireýleri bilim berý qyzmetin lısenzıasyz júzege asyrǵanyn anyqtaǵan.
Balalardyń bilim, tárbıe jáne ýaqtyly medısınalyq kómek alý quqyqtary men bostandyqtary, aıtarlyqtaı buzylǵan.
Tekserý barysynda mekemelerdiń dinı baǵyty rastalǵan jáne Qazaqstan Respýblıkasynyń Musylmandar dinı basqarmasy «Jibek jolymen» jasalǵan memorandýmdy bir jaqty toqtatty.
Zań normalaryn buzǵan birqatar atalǵan mekemeler men olardyń basshylyǵyna qatysty qylmystyq ister qozǵaldy (kámeletke tolmaǵandy óz-ózine qol jumsaýǵa jetkizgen, tárbıeleý jónindegi mindetterdi oryndamaǵan, áleýmettik, ulttyq, násildik jáne dinı arazdyqty qozdyrǵan, sot ekstremıstik jáne terorıstik dep tanyǵan ádebıetter tabylǵan).
Qazirgi ýaqytta mekemelerde turǵan balalardy otbasylaryna qaıtarý jumystary júrgizilýde.