Aqshamnews.kz redaksıasy "Kún sany" aıdarynda aptanyń eń mańyzdy derekterine sholý jasady.
Bıyl ónerkásip óndirisiniń kólemi trıllıon teńgege jýyqtady
Almatyda 2025 jylǵy qańtar-mamyr aralyǵynda óndirilgen ónim kólemi 976,2 mlrd teńgege jetti.
Ósim ózge de negizgi salalarda tirkeldi:
- Mashına jasaý salasynda eń úlken ósim baıqalyp, 366,1 mlrd teńgege jetti;
- Basqa beımetall mıneraldy ónimder óndirisi 47 mlrd teńgege jetti;
- baspa isi 27,3% ósip, 25 mlrd teńge boldy;
- Farmasevtıka óndirisi 14,2% (11,2 mlrd teńge);
- kıim óndirisi 18,8% (3,7 mlrd teńge);
- aǵash buıymdary óndirisi 35,2% (3,4 mlrd teńge) ósti.
Amnıstıa týraly zańǵa qol qoıyldy
Bul týraly prezıdent Qasym-Jomart Toqaev quqyq qorǵaý organdarynyń keńeıtilgen alqa májilisinde aıtty.
"Osy izgi sharanyń arqasynda jazasyn ótep jatqan 15 myńnan astam adamǵa amnıstıa jarıalandy. Sonyń eki myńnan astamy bostandyqqa shyǵady. Qalǵandarynyń jaza merzimi qysqarady", - dedi ol.
Májilis qorytyndysy
25 maýsymda Májilistiń úshinshi sesıasynyń qorytyndy otyrysy ótti. Parlament Májilisiniń tóraǵasy Erlan Qoshanov atqarylǵan jumystardyń nátıjesin bólisti.
Osy sesıada 39 jalpy otyrys ótip, 249 másele qarap, 90 zań qabyldarǵan.
"Keleshek mektepterine" qatysty ózgeris
Elimizde Memleket basshysynyń bastamasymen "Keleshek mektepteri" ulttyq jobasy qarqyndy júzege asyrylyp jatyr. 2024–2025 oqý jylynda 254 myń oryndyq 105 jańa formattaǵy mektep paıdalanýǵa berildi, al 2025 jyldyń aıaǵyna deıin olardyń sany 217-ge jetedi.