Halyqaralyq tájirıbeni zerdeleý, turmystyq zorlyq-zombylyqtyń aldyn alýdyń eń tıimdi quraldarynyń biri “ODARA” ádistemesi boıynsha qaıtalanatyn quqyq buzýshylyqtardy jasaý qaýpin baǵalaý jáne agresorlarǵa kómek kórsetý ortalyqtarynda túzeý baǵdarlamasynyń kýrsyn ótý ekenin kórsetti.
Jergilikti polısıa qyzmetiniń habarlaýynsha, bul ádis alǵash ret İshki ister mınıstri Marat Ahmetjanovtyń, QR Prezıdent Ákimshiligi basshysynyń orynbasary Aıda Balaevanyń, QR Eńbek jáne halyqty áleýmettik qorǵaý mınıstri Tamara Dúısenovanyń, Aqparat jáne áleýmettik damý mınıstri Darhan Qydaráliniń, QR Bas prokýrorynyń orynbasary Jandos Ómirálıevtiń qatysýymen ótken “Áriptestik – turmystyq zorlyq-zombylyqtyń aldyn alý quraly” atty forýmda tyńdaldy. Ol jerde Germanıa tájirıbesi jan-jaqty qoldaý taýyp, turmystyq zorlyq-zombylyqtyń aldyn alýdyń tıimdi quraly retinde baǵalandy.
«Osy forýmda agresorlarmen jumys isteýdiń bul ádisin birqatar qalalarda, sonyń ishinde Almatyda engizý týraly sheshim qabyldandy. Ol birinshi naýryzda pılottyq rejımde bastaldy. Búgin biz otbasylyq zorlyq-zombylyq qaýpin baǵalaý boıynsha vedomstvoaralyq top qurý maqsatynda dóńgelek ústel ótkizdik. Múddeli memlekettik organdar men úkimettik emes sektor qosyldy. Turmystyq zorlyq-zombylyqtyń aldyn alýdyń jańa ádistemesinen oń nátıje kútemiz», – dedi Almaty qalalyq PD jergilikti polısıa qyzmeti Basqarmasy bastyǵynyń orynbasary Dıas Dýanbekov.