Qazirgi ýaqytta qalada abattandyrý erejeleri men sanıtarlyq normalardy buzý derekterin anyqtaý jáne jolyn kesý boıynsha aldyn alý sharalary júrgizilýde.
Barlyq tartylǵan qyzmetter men bólimderdiń is-áreketterin úılestirý jáne kelip túsetin aqparatty qorytyndylaý úshin mobıldi jáne jumys toptary quryldy. İs-shara ákimdiktermen jáne aýdandyq sanıtarlyq-epıdemıologıalyq qyzmettermen birlesip júrgizilip, syrtqy polısıa qyzmetiniń múmkindikteri paıdalanylýda, dep habarlaıdy aqshamnews.kz.
– Tájirıbe kórsetkendeı, keıbir azamattar qoǵamdyq oryndardy, saıabaqtardy, skverlerdi ádeıi lastaıdy. Qoqys belgilenbegen jerlerge tastalady. İs-sharanyń negizgi maqsaty – qala ınfraqurylymyna qamqorlyq jasaý qundylyqtaryn damytý, turǵyndar arasynda joǵary azamattyq jaýapkershilik pen ekologıalyq mádenıetti tárbıeleý, jeke ekologıalyq bastamalardy qoldaý jáne olardy júzege asyrý úshin jaǵdaı jasaý. Mundaı derekterdi anyqtap, jolyn kesý – jergilikti polısıa qyzmetiniń birinshi kezektegi jáne kúndelikti mindeti, – dedi Almaty qalalyq PD jergilikti polısıa qyzmeti basqarmasynyń bastyǵy Serik Shýmaev.
Basqa da múddeli qyzmettermen birlesken jumys tıimdirek ekenin atap ótken jón, óıtkeni quqyq buzýshylarmen túsindirmelik áńgimelesýler qorshaǵan ortaǵa teris áser etetin, saıyp kelgende, qalamyzdyń atmosferasyna keri áser etetin bıologıalyq reaksıalardy túsindirýge deıin júrgiziledi.
– Qurmetti qala turǵyndary men qonaqtary! Barlyǵyńyzdy ózimiz turatyn jerdi qorǵaýdyń qanshalyqty mańyzdy ekendigi týraly oılaýǵa shaqyramyn. Ol úshin tek qoqys, plasık jáne basqa da qaldyqtardy tastamaý, tabıǵı resýrstarǵa abaı bolý kerek. Bizdiń Almaty taza ári qaýipsiz bolýy kerek!, – dedi, polkovnık Shýmaev.