Qoǵamdyq oryndarda kalán jáne basqa da temeki ónimderin paıdalaný derekterin anyqtaý, sondaı-aq kámeletke tolmaǵandardyń oıyn-saýyq oryndarynda bolýyna jol bermeý maqsatynda ótken demalys kúnderi qalada aýqymdy is-shara ótkizildi, dep habarlaıdy aqshamnews.kz Polisia.kz-ke silteme jasap.
Nátıjesinde 197 adam ákimshilik jaýapkershilikke tartyldy. 26 oıyn-saýyq mekemesinen 200-den astam kalán tárkilendi.
Sonymen qatar dámhana, bar jáne kompúterlik klýbtarda eresekterdiń qaraýynsyz júrgen 7 kámeletke tolmaǵan jasóspirim anyqtaldy. Olardyń ata-analary men oıyn-saýyq mekemeleriniń ákimshiligi jaýapkershilikke tartyldy.
Sondaı-aq úsh barda júrgizilgen jergilikti reıd barysynda elimizdiń kóshi-qon zańnamasyn buzyp, zańsyz eńbek qyzmetimen aınalysqan sheteldikter anyqtaldy.