2024 jyly Memleket basshysy Qasym-Jomart Toqaevtyń tapsyrmasy boıynsha Neo Nomad dep atalatyn jańa vıza túri engizildi. Bul vıza saıahattap, qashyqtan jumys isteıtin sheteldik týrıserge arnalǵan jáne zamanaýı kóshpendiler úshin arnaıy usynylǵan múmkindik bolyp tabylady. Vızalyq rejımdi engizý kezinde pandemıadan keıin mundaı baǵdarlamalardy sátti qoldanǵan 50-den astam eldiń halyqaralyq tájirıbesi eskerildi, dep habarlaıdy aqshamnews.kz
Neo Nomad vızasy sheteldik týrıserge Qazaqstanda bir jylǵa deıin turýǵa múmkindik beredi. Bul ýaqyt ishinde olar sheteldik kompanıalarda jumys isteı alady, elimizdiń mádenıeti men turmysyn jaqynyraq tanyp, týrızm salasyna óz úlesin qosyp, Qazaqstan ekonomıkasyna paıda ákelýi tıis. Eger jylyna 500 adam osy vızany paıdalansa, ekonomıkalyq áser shamamen 3,6 mlrd teńge bolmaq. Vızany alǵan sheteldik azamattar Qazaqstanda turyp, qarajatyn elde jumsaıdy, biraq bul otandyq eńbek naryǵyna áser etpeıdi, bul baǵdarlamanyń basty ereksheligi.
Qazaqstannyń týrısik áleýeti álemde keńinen nasıhattalyp keledi. The New York Times Almatyny úzdik 52 týrısik baǵyttyń qataryna qossa, Lonely Planet Qazaqstandy 2025 jyly saıahattaýǵa tıis úzdik elderdiń tizimine engizdi. Sonymen qatar, Conde Nast Traveller Italia basylymy «Shymbulaq» taý-shańǵy kýrortyn tańdaýly TOP-5 destınasıa tizimine qosty.
CNN Travel 2025 jyly saıahattaýǵa turarlyq 25 baǵyttyń tizimin jarıalap, Qazaqstandy erekshe mártebege laıyq dep tanydy. Almaty qalasy tabıǵı landshafttar men ýrbanıstik mádenıetti úılestiretin ereksheligi arqasynda Ortalyq Azıanyń «jańa stıl astanasy» dep ataldy.
Aldaǵy jyldary Qazaqstan týrızm salasyn damytý jumystaryn jalǵastyrady. Úsh iri týrısik aımaq — Shýche-Býrabaı kýrorttyq óńiri, Mańǵystaý kýrorttyq óńiri jáne Almaty taý klasteri basym baǵyttar retinde belgilendi. 2027 jylǵa deıin jalpy quny 1,1 trln teńgeden asatyn 181 ınvestısıalyq joba iske asyrylady.
Saladaǵy jumyspen qamtylǵandar sanyn 800 myń adamǵa deıin arttyrý, agrotýrızmdi damytý arqyly aýyldyq jerlerde 10 myń jańa jumys ornyn ashý josparlanýda. İshki týrıser sanyn 11 mıllıonǵa jetkizip, ornalastyrý oryndarynyń tósek-oryn qoryn 280 myńǵa deıin ulǵaıtý, sondaı-aq barlyq qonaq úılerdi eQonaq aqparattyq júıesine engizý kózdelgen.
Qazaqstan Dúnıejúzilik ekonomıkalyq forýmnyń Saıahat jáne týrızmdi damytý jahandyq ındeksinde álemniń úzdik 50 eli qataryna kirýdi maqsat etip otyr. Bul bastamalar Qazaqstannyń halyqaralyq týrısik arenadaǵy ornyn nyǵaıtyp, saıahatshylar, bıznes jáne jergilikti qaýymdastyqtar úshin jańa múmkindikter ashady.