Almatyda “Býran-128” patrúldik polısıasynyń ekıpajy keń aýqymdy reıd barysynda Abaı dańǵyly men Baıtursynov kóshesiniń qıylysynda moped júrgizýshisin ustady, dep habarlaıdy Almaty-akshamy.kz
"Ol jol qozǵalysy erejelerin óreskel buzyp, ınspektorlardyń nazaryn aýdardy. Odan ári atys qarýyn zańsyz saqtaý deregi anyqtaldy. Saraptamanyń qorytyndysyna sáıkes, másele atýǵa jaramdy “OSA” travmatıkalyq tapanshasy týraly bolyp otyr. Bostandyq aýdandyq polısıa basqarmasy zańsyz qarý saqtaý deregi boıynsha sotqa deıingi tergeýdi bastady. 33 jastaǵy moped júrgizýshisiniń qarý ustaýynyń shynaıy sebebi tergeý barysynda anyqtalady", – dedi Almaty qalasy PD JPQB patrúldik polısıa polkiniń komandıri Mıhaıl Kan.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.