27 jastaǵy kelinshektiń tolǵaǵy úıinde bastalǵan. Eri jedel járdem shaqyrmaı, áıelin perzenthanaǵa ózi jetkizbek bolǵan.
Alaıda, olar Ashybulaq aýylynan shyǵa beriste kepteliste bógelip qalǵan. Momyshuly men Aqyn Sara qıylysynda qobaljyǵan júrgizýshige «Býran-002» ekıpajy kelgen, dep habarlaıdy aqshamnews.kz
Otaǵasy polısıadan kelinshegin aýrýhanaǵa deıin jetkizip berýin ótingen.
«Polısıa serjanty Ǵalymjan Postanov pen Ámirjan Esenbaev oılanbastan kóliginiń dabylyn qosyp, «Honda» júrgizýshisine artynan erip otyrýyn aıtqan. Kelinshek 5 mınýtta №3 perzenthananyń aldyna jetkizildi. Áıel aman esen ul bala týdy. Ekeýiniń de jaǵdaıy jaqsy», - dedi qalalyq Polısıa departamenti jergilikti polısıa qyzmeti basqarmasynyń polk komandıri Manap Sattarov.
Áke atanǵan azamat kelesi kúni tártip saqshylaryn izdep taýyp kelip alǵysyn bildirgen.
«Polıseılerdiń shuǵyl qımyldaýynyń arqasynda batyr týdy. Jaqynda serjanttar Esenbaev pen Postanov olardyń halin bilip shyǵady», - dedi polkovnık Sattarov.