Almaty qalasy PD bólimsheleri arasynda uıymdastyrylǵan týrnır «Abaı»stadıonynda ótti.
Oǵan 15 komanda qatysty, ıaǵnı 180 adam qatysty, dep habarlaıdy Almaty-akshamy.kz Polisia.kz-ke silteme jasap.
«Ár ýaqytta dene shynyqtyrý jáne sport polısıa qyzmetkerlerine jedel-qyzmettik tapsyrmalardy sátti oryndaýǵa yqpal etetin jańa daǵdylardy meńgerýge kómektesedi. Búgingi oıyn jarqyn ári qyzyq boldy», – dedi Almaty qalalyq polısıa departamenti bastyǵynyń orynbasary Oljas Myrzabekov.
Ádilqazylar alqasynyń sheshimi boıynsha 1-oryndy Almaty qalasy PD apparatynyń qurama komandasy ıelendi. Al 2-oryndy JQAJ komandasy jeńip aldy. Júldeli 3-oryn Túrksib aýdandyq polısıa basqarmasynyń komandasyna buıyrdy. Erekshelengen qyzmetkerlerge syılyqtar tabys etildi. Atap aıtqanda, “Úzdik qaqpashy” nomınasıasy boıynsha Túrksib aýdandyq PB-nyń jedel ýákili Balabek Almas erekshelendi. “Úzdik qorǵaýshy” Almaly aýdany PB-nyń aǵa tergeýshisi Ahmet Zamanbek atandy. Al “Týrnırdiń úzdik oıynshysy” ataǵy JQAJ aǵa ınspektory Demesin Dinasylǵa berildi.