Shaharda 1 qarashaǵa deıin máselelerdi zerdeleý, quqyq buzýshylyqtyń aldyn alý jáne eskertý úshin ákimshilik okrýg turǵyndaryn barynsha qamtýǵa baǵyttalǵan «Ýchaske» respýblıkalyq jedel aldyn alý is-sharasy ótedi.
Qala polıseıleri Almatydaǵy ákimshilik aýmaqtarda quqyq buzýshylyqtyń aldyn alý sharalaryn kúsheıtti, – dep habarlaıdy aqshamnews.kz Polisia.kz-ke silteme jasap.
«Biz júrgizetin páterlerdi jáne úılerdi tekserý birinshi kezekte qylmystyq ahýaldy jaqsartýǵa, zańsyz árekettermen aınalysatyn adamdardy, kúdikti azamattardy anyqtaýǵa, páterler men úılerdi zańsyz jalǵa berý derekterin anyqtaýǵa baǵyttalǵan. Saıajaılar, turmysy nashar otbasylar, jastar men kámeletke tolmaǵandar shoǵyrlanatyn oryndar, azamattyq qarý ıeleri men sheteldikter qoǵamǵa jat áreketter men qaraýsyz qaldyrý jaǵdaılaryn boldyrmaý úshin tekseriletin bolady», – dedi Almaty qalalyq PD jergilikti polısıa qyzmeti basqarmasynyń bastyǵy Serik Shýmaev.
Polısıa qyzmetkerlerine azamattarmen tyǵyz, senimdi qarym-qatynas ornatý, sondaı-aq qylmystardyń aldyn alý, anyqtaý, jolyn kesý jáne quqyq buzýshylyqtyń aldyn alý mindeti júktelgen. Tártip saqshylary qala turǵyndary men qonaqtaryn polısıaǵa barynsha kómek kórsetýge jáne qabyldanyp jatqan qaýipsizdik sharalarǵa túsinistikpen qaraýǵa shaqyrady.