Úsh para berýshi naqty merzimge bas bostandyǵynan aıyryldy, dep habarlaıdy Almaty-akshamy.kz Polisia.kz-ke silteme jasap.
«Jyl basynan beri osy joba aıasynda Almaty polısıasy ondaǵan para berý deregin anyqtap, laýazymdy tulǵaǵa para berýdiń bes áreketiniń jolyn kesti. Tájirıbe kórsetkendeı, jumystyń bul túri jáne azamattarmen baılanysý kezinde egjeı-tegjeıge nazar aýdarý, jeke quramdy tártipke keltirip qana qoımaıdy, sonymen qatar profılaktıkalyq áserge ıe jáne azamattardyń jaýapkershilik deńgeıin arttyrady», – dedi Almaty qalalyq PD ózindik qaýipsizdik basqarmasynyń bastyǵy Erik Jumabaı.
S.esimdi azamat sottalǵandardyń arasynda aǵymdaǵy jyldyń naýryz aıynda memlekettik fýnksıalardy oryndaýǵa ýákiletti tulǵaǵa qomaqty mólsherde para berýge ıtermelegen. 23 maýsymdaǵy Almaty qalasy boıynsha qylmystyq ister jónindegi mamandandyrylǵan aýdanaralyq sotynyń úkimimen QR QK-niń 28-baby 4-bóliginde ( Basqa adamdy azǵyrý, paraǵa satyp alý, qorqytý jolymen nemese basqa da tásilmen qylmystyq quqyq buzýshylyq jasaýǵa kóndirgen adam aıdap salýshy dep tanylady) jáne QR QK-niń 367-baby 4-bóliginde (Osy baptyń birinshi, ekinshi nemese úshinshi bólikterinde kózdelgen is-áreketter, eger olar asa iri mólsherde jasalsa nemese olardy qylmystyq top jasasa) kózdelgen qylmysty jasaǵany úshin kináli dep tanyldy jáne 10 jylǵa bas bostandyǵynan aıyryldy.