Polısıa qyzmetkerleri “Almaty Tazalyq” komýnaldyq kásipornynyń qysqa daıyndyǵyn tekserdi, dep habarlaıdy Almaty-akshamy.kz.
«Bizdiń bólimsheniń tehnıkalyq baıqaý bóliminiń qyzmetkerleri merdiger uıymdardyń qysqy kóshelerdi kútip ustaýǵa daıyndyǵyn tekserip jatyr. Qazir biz “Almaty Tazalyq” komýnaldyq memlekettik kásipornynyń fılıalyndamyz, onda tehnıkalyq qural-jabdyqtardyń jaǵdaıy men qysqy kóshe tazalaý jumystaryna daıyndyq jaǵdaıy tekserilýde. Óndiristik bazany jabdyqtaýǵa, sondaı-aq olardyń jumyskerleriniń táýlik boıy kezekshiligin uıymdastyrýǵa erekshe nazar aýdarylady. Kestege sáıkes tehnıka, qural-jabdyqtar, jumys quraldary men shyǵyn materıaldary, tazalaý tehnıkasynyń júrý baǵyttary, sondaı-aq qyzmetkerler quramy tekserildi. Maqsat – jol qaýipsizdigin qamtamasyz etý, jol-kólik oqıǵalaryn azaıtý jáne jaýyn-shashyn kezinde azamattarǵa qaýipsiz jaǵdaı jasaý. Komýnaldyq kásiporyndardy tekserýdiń birinshi kezeńi 15 qarashaǵadeıin júrgiziledi», – dedi Almaty qalalyq PD ákimshilik polısıa basqarmasy bastyǵynyń orynbasary Bolatbek Baıatanov.
Bıyl qalaǵa qysqy ýaqytta qyzmet kórsetý úshin 818 birlik tehnıka men 1240 jol jumysshysy tartyldy.