Kólikti jalǵa alyp, sodan keıin ony satyp jibergen alaıaqtyq deregine sáıkes qylmystyq is boıynsha alty adam ustaldy, dep habarlaıdy Almaty-akshamy.kz Polisia.kz-ke silteme jasap.
«41 jastaǵy O. esimdi azamat kólikti jalǵa berýmen aınalysatyn JSHS-niń birimen Toyota Camry jalǵa alý shartyna otyrǵan kezde qylmystyq tizbek burmalana bastady. Nátıjesinde kólikti qaıta satý tizbegindegi altynshy adam bolyp tabylatyn satyp alýshydan kólik tárkilendi. Tergeý, jaýap alý jáne betpe-bet bettestirý barysynda mynadaı mán-jaılar anyqtaldy: jaldaý shartyn jasasqan O. esimdi azamat, belgilengen jerden kólikti alyp ketip, ony urlap ketkendigi jaıynda habar berýi kerek bolǵan adamdy jaldaıdy. Sońǵysy kózge túspes úshin úshinshi adamnyń qyzmetine júgingen. Jospar boıynsha ol keńsege baryp, kóliktiń kiltin alýy kerek bolǵan. Osy ýaqytta tizbektegi ekinshi adam Toyota kóligin kelisilgen jerge aıdap alyp kelýi úshin taǵy eki beıtanys adamdy jaldaǵan. Sońǵy adam – satyp alýshy, I. esimdi azamat, odan urlanǵan kóliktiń memlekettik nómirleri tárkilendi. Bul kúdiktiniń aıtýynsha, ol Toyota kóliginiń urlanǵanyn bilmegen, al “satýshy” oǵan kólikti qaryzyn óteý retinde alǵanyn aıtqan», – dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.
Bul alaıaqtyqqa qatysy bar kúdiktilerdiń barlyǵy ustaldy. Qylmystyq is tirkeldi. Kúdiktiler qamaýda otyr. QR QPK-niń 201 babynyń talaptaryna, sondaı-aq QR Konstıtýsıasynyń normalaryna sáıkes, qylmystyq is boıynsha ózge de málimetter jarıa etýge jatpaıtynyn habarlaıdy.