Sıntetıkalyq esirtki shyǵaratyn seh "Qalqaman" shaǵynaýdanyndaǵy jeke úıdiń jertólesinde jumys istegen.
Belgili bolǵandaı, úı ótken jyldyń qazan aıynda jas jigitke jalǵa berilgen, dep habarlaıdy Almaty-akshamy.kz Polisia.kz-ke silteme jasap.
«Tintý kezinde polısıa qyzmetkerleri mefedron sıntetıkalyq psıhotroptyq zatyn óndirý kezinde qylmyskerler paıdalanǵan untaq jáne kesek túrindegi zattardy, hımıalyq zattar salynǵan plasık ydystardy, suıyqtyqtary bar kolbalardy, elektrondy tarazylardy jáne basqa da quraldardy tárkiledi. Esirtki shyǵarýǵa jaýapty – 23 jastaǵy O.esimdi azamat. Tolyq emes medısınalyq bilimi bar jas jigit esirtki óndirisin jolǵa qoıǵan. Barlyǵy esirtki zerthanasynda birneshe keli keptirilgen zattar tárkilendi. Olardyń túsi ártúrli: aq, qara, jasyl, qońyr. Bir qaptama qońyr “shóptiń” salmaǵy shamamen 160 gram, aq – 500. Bul daıyn ónim jáne ony dozaǵa saı oraý kerek boldy. Jertóleden tabylǵan suıyq, krıstaldy jáne untaq kúıindegi zattardyń barlyǵy sot-hımıalyq saraptamaǵa jiberildi. Sotqa deıingi tergeý bastaldy», — dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.