Birneshe kún buryn áleýmettik jelide kýrer sómkesin asynǵan jas jigittiń urlyǵy túsirilgen vıdeo taraǵan bolatyn.
Qylmys Abylaı han dańǵyly boıyndaǵy dámhanalardyń birinde jasalǵany belgili boldy, dep habarlaıdy Almaty-akshamy.kz Polisia.kz-ke silteme jasap.
"Osy qylmysty jasady degen kúdikpen 33 jastaǵy er adam ustaldy, ol kýrer atyn jamylyp, mekeme ákimshiliginiń keńsesine kirip, qymbat fotoaparatty urlap ketken. Kúdikti bul urlyqqa qatysy baryn joqqa shyǵarmaıdy, qylmystyq is qozǵaldy. Ustalǵan azamat qamaýǵa alyndy", – dedi Almaly aýdandyq polısıa basqarmasynyń basshysy Oljas Sháripov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.
Aqparat kózi Polisia.kz saıtynda: https://polisia.kz/almaty-politsiyasy-fotoapparat-urlyghynyng-betin-ashty/