Býran-222 patrúldik ekıpajynyń qyzmetkerleri jol erejesin buzǵan Hyundai kóligin baıqaǵan.
Oqıǵa tańǵy saǵat úshterde Abaı jáne Dostyq dańǵyldarynyń qıylysynda bolǵan, dep habarlaıdy Almaty-akshamy.kz Polisia.kz-ke silteme jasap.
«Júrgizýshi manevr jasaý erejesin buzǵan, onyń kóliginiń aldyńǵy memlekettik tirkeý nómiri kórinbeıtindeı etip ádeıi jabylǵan. Mán-jaıdy anyqtaý barysynda júrgizýshiniń is-áreketi kúdik týǵyzdy. Ony esirtkige qarsy saraptamaǵa alyp bardy. Medısınalyq saraptama onyń esirtkige mas bolǵanyn anyqtady. Er adamnyń ózi sıntetıkalyq mefedron esirtkisin qoldanǵanyn moıyndady. Sonymen qatar taldaý júrgizilgen jerge Medeý aýdandyq PB-nyń tergeý-jedel toby shaqyryldy. Atalǵan kóliktiń salonynan untaq zaty bar býmalar tabyldy jáne tárkilendi. Olardyń naqty tıesililigin sot-hımıalyq saraptama anyqtaıtyn bolady», – dedi Almaty qalasy PD JPQB patrúldik polısıa polkiniń ınspektory Nurlan Qonýsov.
Quqyqbuzýshy kólik júrgizý quqyǵynan aıyryldy. Onyń kóligi mamandandyrylǵan aıyppul turaǵyna jetkizildi.