Kúdiktini ustaý operasıasyn qalalyq esirtki qylmysymen kúresýshiler Túrksib aýdandyq polısıa basqarmasynyń qyzmetkerlerimen birlesip júrgizdi.
Jedel aqparatqa sáıkes, 23 jastaǵy týǵan S.esimdi azamat sıntetıkalyq esirtkini zerthanada zańsyz óndirýmen, saqtaýmen, oraýmen jáne satýmen aınalysqan, dep habarlaıdy Almaty-akshamy.kz Polisia.kz-ke silteme jasap.
«Úıdi tintý barysynda erekshe ıisi bar aq tústi untaq zat tabyldy jáne tárkilendi. Kúdiktiniń aıtýynsha, bul zat mefedron esirtkisi, ol ony jeke jaldamaly úıde ózi jasaǵan. S.esimdi azamat daıyn ónimderderdi qala aýmaǵyndaǵy jasyryn oryndarǵa qaldyryp ketkendigi belgili boldy. Sonymen qatar úıden suıyqtyqtary bar plasık kanıstrler, pırometr, túrli kolbalar, vakýmdyq jáne elektr sorǵyshy, elektrondy tarazylar, býmalar men esirtki óndirýge arnalǵan basqa da kerek-jaraqtar tabyldy», – dedi Almaty qalalyq PD esirtki qylmysymen kúres basqarmasynyń bastyǵy Erlan Álmaǵambetov.
Atalǵan derek QR QK-niń 297-baby 1-bóligi boıynsha sotqa deıingi tergeýdiń biryńǵaı tizilimine tirkeldi. Ustalǵan azamat ýaqytsha ustaý ızolátoryna qamaldy. QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.