Almaly aýdandyq polısıa basqarmasynyń málimetinshe, 29 jastaǵy jergilikti turǵynǵa qatysty, birneshe ret jasalǵan alaıaqtyq boıynsha qylmystyq is tergelip jatyr.
Er adam kem degende bes adamdy aldady degen kúdikke ilindi, dep habarlaıdy aqshamnews.kz.
– Zańsyz áreketter baspanaǵa muqtaj birneshe azamattyń iri kólemdegi aqshasyn joǵaltqan kezde belgili boldy. Olar ózin qaıyrymdylyq uıymdarynyń biriniń qyzmetkerimin dep tanystyrǵan beıtanys adamǵa 7 mıllıon teńge bergen. Qaskóı olarǵa qaıyrymdylyqtan jáne qordan baspana berýge ýáde berdi. Alaıda baspana da joq, aqsha da joq aldap ketken. Jedel is-sharalar júrgizilip, kúdikti ustaldy, — dedi Almaly aýdandyq polısıa basqarmasynyń bastyǵy Oljas Sháripov.
Kúdikti ýaqytsha ustaý ızolátoryna ornalastyryldy. Polısıa kúdiktiniń zańsyz áreketinen zardap shekkenderdi myna telefon nómirlerine habarlasýǵa shaqyrady: 8-702-646-43-46 jáne 8-702-066-50-73.