Qylmysty ashý úshin arnaıy jedel-tergeý toby quryldy
28 gvardıashy-panfılovshylar atyndaǵy Saıabaqta Batyrlar Aleıasynyń tuǵyrynan 2 árip pen 13 mańdaıshanyń urlanǵany týraly aryz polısıaǵa yń 4 naýryzda túsken, dep habarlaıdy Almaty-akshamy.kz.
Qylmystyq is QR QK-niń 188 baby 3 bóligi, sondaı-aq QK-nyi 294 - baby boıynsha sotqa deıingi tergeýdiń biryńǵaı tizilimine tirkeldi.
«Bul qylmysty ashý úshin arnaıy jedel-tergeý toby quryldy, onyń quramyna qalanyń krımınaldyq polısıasynyń qyzmetkerleri de kirdi. Urylar birden anyqtaldy. Sondaı-aq, qysqa merzimde olar aıdaǵan kólikti anyqtaý múmkin boldy. Kúdiktiler - úsheý, olar 1996 jáne 1997 jyly týǵandar. Olar - Almaty oblysy, Eńbekshiqazaq aýdanyna qarasty aýyldardyń biriniń turǵyndary. Qylmyskerler ustalyp, qamaýǵa alyndy. Olar shoıyn mańdaıshalar men áripterdi qabyldaý pýnktine ótkizý úshin urlap ketkenderin moıyndady. Biz urlanǵan múliktiń satylý baǵytyn jedel anyqtap, urlanǵan zattardy satyp alýǵa qatysy bar taǵy úsh aıyptalýshyny anyqtadyq. Olar da sol aýyldyń turǵyndary. Sońǵy oryn – Almaty qalasy Túrksib aýdanyndaǵy Bekmahanov kóshesi boıyndaǵy metal qabyldaý pýnkti. Batyrlar Aleıasynan alynǵan áripter men mańdaıshalardy eritýge daıyndaǵan», - dedi, Medeý aýdandyq polısıa Basqarmasynyń bastyǵy, polısıa podpolkovnıgi Dáýren Ótebaev.
Zattaı aıǵaqtar tárkilendi. Olardyń jalpy salmaǵy 44,5 keli boldy. Satyp alýshylarǵa qatysty QR QK-niń 196 baby 1 bóligi, ıaǵnı qylmystyq jolmen alynǵan múlikti ıemdený deregi boıynsha qylmystyq is qozǵaldy. Olar da ýaqytsha ustaý ızolátoryna qamaldy.
