Almaty polısıasy balalar úıiniń tárbıelenýshilerin kele jatqan Jańa jyl merekesimen quttyqtady.
“Januıa” balalar úıi polısıa qyzmetkerlerine esigin aıqara ashty. Almaty qalalyq polısıa departamentiniń ansambli men JQAJ ujymy balalar úshin án, bı jáne syılyqtarmen naǵyz jańajyldyq kóńil kúı syılady, dep habarlaıdy Almaty-akshamy.kz Polisia.kz-ke silteme jasap.
Balalar uıymdastyrylǵan oıyndar men jarystarǵa erekshe yqylaspen qatysty. Tárbıelenýshilerdiń qýanyshynda shek bolmady. Balalar úıiniń basshylyǵy óz kezeginde polısıa qyzmetkerlerine iltıpattary, meıirimdi júrekteri men qamqorlyqtary úshin shynaıy alǵysyn bildirdi. Tártip saqshylary mundaı naýqandy birneshe jyldan beri jasap keledi.