Qarapaıym ári kúrdeli aldaýdyń ádisin Almaty oblysynyń 23 jastaǵy turǵyny oılap tapqan.
Áýezov aýdandyq PB-ǵa birneshe jergilikti turǵyn aryzben júgingen, olardyń aıtýynsha, jas jigit krıptovalútanyń qarjylyq ınternet-alańynda qarajatty kóbeıtip beremin degen jeleýmen iri kólemde aqshany ıemdengen, dep habarlaıdy Almaty-akshamy.kz.
«Jedel-izdestirý is-sharalary barysynda kúdikti ustaldy. Ol 23 jastaǵy L.esimdi azamat bolyp shyqty. Belgili bolǵandaı, kúdikti aqshany qaıtarý boıynsha óz mindetterin oryndaýdy oılamaǵan. Atalǵan derek boıynsha QR QK-niń 190-baby 3-bóligine sáıkes qylmystyq is tirkeldi. Kúdiktige qatysty qamaýǵa alý túrindegi bultartpaý sharasy tańdaldy. Qazirgi ýaqytta osyǵan uqsas 11 epızod tirkeldi, ıaǵnı 11 jábirlenýshi kúdiktige keminde 3 mıllıon teńgeden bergen», – dedi Áýezov aýdandyq polısıa basqarmasynyń bastyǵy Ulan Ábilqaıyr.
Qazirgi ýaqytta polısıa qyzmetkerleri atalǵan zańsyz árekettiń qosymsha epızodtaryn anyqtaýǵa baǵyttalǵan jedel-izdestirý jáne tergeý is-sharalaryn júrgizip jatyr. QR QPK-niń 201-babyna sáıkes ózge aqparattar tergeý múddesine oraı jarıalaýǵa jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.