Alaıaqtar jalǵan telefon nómirlerin paıdalanady.
Qalanyń krımınaldyq polısıasy eskertkendeı, arnaıy tehnıka ınternet-trafıkti paıdalana otyryp, basqa elderden kelgen qaskóıler vırtýaldy nómirlerge ıe bolatyn belgili bir saıtqa qosylady, dep habarlaıdy Almaty-akshamy.kz Polisia.kz-ke silteme jasap.
«Olar ártúrli veb-saıttarda, áleýmettik jelilerde jáne qyzmet kórsetý platformalarynda tirkelý úshin jeke derekteri men abonenttik nómirlerin jasyrý maqsatynda fızıkalyq túrde SIM-box uıashyqtarynda bolady. Alaıaqtar vırtýaldy SIM-box nómirlerin paıdalanyp, ańǵal azamattardy aldaıdy: olar jeke kabınetti tirkeı otyryp, kez kelgen ónimdi satý týraly ártúrli jarnamalardy jarıalaıdy, sodan keıin satyp alýshy qyzyǵýshylyq tanytsa, sheteldik bank kartalaryn usyna otyryp, aldyn ala tólem jiberýin suraıdy. Alaıda aqshany alǵan boıda, olar jasyrynyp, jarnamany óshiredi», – deıdi Almaty qalalyq polısıa departamenti bastyǵynyń orynbasary Dıdar Ahanov.
Ekinshi ádis – TikTok áleýmettik jelisin paıdalaný arqyly bolyp tur. Munda ańǵal azamattarǵa Whatsapp messendjerinde qurylǵan (SVIP, VIP) toptaryna qosylý usynylady.Tirkeý kezinde SIM-box vırtýaldy nómirlerin paıdalana otyryp, olar belgili bir somaǵa taýar satyp alýdy usynady, sodan keıin bul soma bank kartasyna eki eselengen mólsherde qaıtarylady dep sendiredi. Osyǵan baılanysty Almaty qalasy polısıa departamenti ınternet-alaıaqtyq derekteriniń kóbeıip bara jatqanyn eskertip, azamattardy onlaın qyzmetterdi alýda, ınternet arqyly taýar satyp alýda saq bolýǵa shaqyrady.