Sebebi, olar kóshi-qon zańnamasyn buzǵan.
Másele, Qazaqstanǵa kóshi-qon zańnamasyn óreskel buzyp kelgen Ózbekstan, Tájikstan jáne Reseı Federasıasynyń azamattary týraly bolyp otyr. Polıseıler olardy “Quqyqtyq tártip” respýblıkalyq jedel aldyn alý is-sharasy barysynda anyqtady, dep habarlaıdy Almaty-akshamy.kz Polisia.kz-ke silteme jasap.
"İs-shara bastalǵaly 832 kóshi-qon zańnamasyn buzýshy ákimshilik jaýapkershilikke tartylyp, 83 sheteldik QR-dan shyǵaryldy. Qazaqstan Respýblıkasynda bolý erejelerin buzǵany úshin 319 sheteldik jaýapkershilikke tartyldy. Sheteldikterdiń QR-da bolýynyń zańdylyǵyn qamtamasyz etý sharalaryn qoldanbaǵany úshin 177 qabyldaýshy tarapqa aıyppul salyndy. Qazaqstan Respýblıkasyna sheteldik jumys kúshin tartý erejelerin buzǵan 23 jumys berýshi jaýapkershilikke tartyldy. PD-nyń qabyldap-taratýyna jeke basyn kýálandyratyn qujaty joq 171 sheteldik ornalastyryldy", – deıdi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.
Sonymen qatar Almatyda ótken JAİ kúnderinde Qazaqstannan óz betinshe shyǵý týraly sot sheshimin oryndamaǵan 21 sheteldik ustaldy.