Uıymdasqan qylmystyq toptardyń biriniń múshelerinen áskerı arsenal tárkilendi.
İs-sharany polısıa qyzmetkerleri Almaty qalasy boıynsha UQKD-niń kómegimen júrgizdi, dep habarlaıdy Almaty-akshamy.kz Polisia.kz-ke silteme jasap.
"Birqatar aýyr jáne asa aýyr qylmystardy jasaǵany úshin osy uıymdasqan qylmystyq toptyń bes múshesi ustaldy jáne qamaýǵa alyndy. Keshendi jedel jáne arnaıy is-sharalardy júrgizý barysynda olardyń Almaty oblysy aýmaǵynda birneshe qarý jasyrý oryndaryn uıymdastyrý derekteri anyqtaldy. Nátıjesinde eki “Kalashnıkov” avtomaty (AKS), “Makarov” jáne “TT” júıeleriniń eki jaýyngerlik tapanshasy, úsh ańshylyq karabın, eki tegis uńǵyly vınchester, 13 kesilgen ańshy myltyǵy, 53 ańshy myltyǵy, úsh travmatıkalyq tapansha, sondaı-aq, ártúrli atys qarýyna arnalǵan 200-den astam oq-dári tabyldy. Sonymen qatar uıymdasqan qylmystyq top múshelerinen eki jaýyngerlik jáne tórt jaryq shýly granata, tórt pyshaq, eki portatıvti radıostansıa, sondaı-aq, ártúrli arnaıy quraldar – optıkalyq kózdeýishter, oq ótkizbeıtin jıde, taıaqsha jáne t.b. tárkilendi. Sońǵy qarý-jaraq jasyrylǵan oryndy keshe ǵana anyqtadyq", – dedi Almaty qalalyq polısıa departamenti bastyǵynyń orynbasary Berik Ábilbekov.
Qarý men oq-dárilerdi zańsyz saqtaý deregi boıynsha, QR QK-niń 287-baby 3-bóliginiń normalaryna sáıkes, sotqa deıingi tergeý amaldary júrgizilýde. Tárkilengen arsenal saraptamaǵa jiberildi, onyń qorytyndysy boıynsha tárkilengen qarý-jaraq pen oq-dárilerdiń shyǵý tegi men ıesi anyqtalatyn bolady.