Almaty polıseıleri urlyqtyń jolyn kesti.
Qylmyskerlerdi qolǵa túsirýde “Býran-147” patrúldik ekıpajynyń qyzmetkerleri joǵary kásibılik, jedeldik pen is-qımyldyń júıeliligin kórsetti, dep habarlaıdy Almaty.kz Polisia.kz-ke silteme jasap.
JSHS-nyń bas dırektory Almaty qalasy PD-nyń basshylyǵyna alǵys hatpen júgindi. Ol Almaty polısıasynyń qaskóılerdi izdestirý, ustaý jáne turǵyn úı kesheninen qurylys materıaldaryn urlaý derekterin ashýda óz mindetterin adal atqarǵanyn atap ótti.
«Bostandyq aýdanynda polısıa qyzmetkerleri Jalǵas Bekturov, Maqsat Tileýov jáne Jalǵas Qalıev “Býran-147” avtoekıpajymen qyzmetke shyqty. Aımaqty patrúldeý kezinde Kárimov kóshesiniń boıynda olar Honda Odyssey avtokóligin tekserý úshin toqtatqan. Júrgizýshi men jolaýshy qatty qobaljydy. Kóliktiń ishin teksergen ınspektorlar on qurylys qysqyshyn tapty. Olar bul materıaldardyń kimge tıesili ekenin anyqtaı bastady, biraq kúdiktiler jaýap bere almady. Odan ári is júrgizý barysynda bótenniń múlkin urlaý deregi anyqtaldy. Aýdandyq PB-da sotqa deıingi tergeý amaldary bastaldy», – dedi Almaty qalalyq PD JPQB patrúldik polısıa polkiniń komandıri Baýyrjan Hantemirov.
«Bizdiń qaýipsizdigimizge, tynyshtyǵymyzǵa qyzmet etkenderińizge jáne óz mindetterińizge adaldyqpen qaraǵandaryńyz úshin raqmet. Kúdiktilerdi ustaýda polısıa qyzmetkerleri joǵary kásibılik tanytty», – dedi hat avtory.