49 jastaǵy er adam qalanyń ártúrli aýdanynda jasalǵan urlyqtyń jeti deregine qatysy bar degen kúdikke ilindi.
Polisia.kz-tiń málimetinshe, Almaty polıseıleri urlyqpen aınalysyp júrgen azamatty quryqtady, – dep habarlaıdy Almaty-akshamy.kz
«Qaskóı negizinen Bostandyq jáne Medeý aýdandarynda áreket etken. Turǵyn úı kesheniniń avtoturaqtaryna, úılerdiń kireberisterine kirgen. Ol kire beristerden velosıpedterdi, turaqtardan – satýǵa bolatyn barlyq nárselerdi – quraldar men basqa da qurylǵylardy qoldy etip júrgen. Jedel-izdestirý is-sharalaryn júrgizý barysynda bólimsheniń qyzmetkerleri Qaraǵandy qalasynyń týmasy, turaqty turǵylyqty jeri jáne jumys orny joq 49 jastaǵy A.esimdi azamatty ustady. Ol urlanǵan zattardy satyp, kún kórip júrgen. Tergeýdiń osy kezeńinde kúdiktiniń jeti epızodqa qatysy bar ekeni anyqtaldy. Kúdikti urlyqqa qatysy bar ekenin joqqa shyǵarmaıdy», – dedi Bostandyq aýdandyq PB-ǵa qarasty polısıa bólimi bastyǵynyń orynbasary Kamal Kelespaev.
Atalǵan derek QR QK-niń 188-baby 3-bóligi (Urlyq) boıynsha sotqa deıingi tergeýdiń biryńǵaı tizilimine tirkeldi. Kúdiktiniń jeke basy qalanyń basqa aýdandarynda da osyǵan uqsas qylmystarǵa qatysy bar-joǵyna tekseriletin bolady. QR QPK-niń 201-babyna sáıkes, ózge aqparattar tergeý múddesine oraı jarıalaýǵa jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.