Mereke kúnderi qalta urylary qarap qalmady
Ótken merekede qoǵamdyq oryndarda adamdardyń kóp shoǵyrlanatynyn jaqsy biletin qalta urylary qarap otyrmaǵan tárizdi, dep habarlaıdy Almaty-akshamy.kz Polisia.kz-ke silteme jasap.
«Almaty arbatynda bótenniń qaltasynan Samsung telefonyn jymqyrǵan 37 jastaǵy M.esimdi azamatty jedel ýákilder qolǵa túsirdi. Al bul ýaqytta qalanyń ortalyq saıabaǵynda buryn sotty bolǵan 34 jastaǵy B.esimdi azamatsha óziniń sińilisimen ózgeniń IPhone telefonyn urlaǵan. Qazirgi tańda atalǵan eki derek boıynsha qylmystyq is qozǵaldy. Kúdiktiler qamaýǵa alyndy», – dedi Almaty qalasy PD krımınaldyq polısıa basqarmasynyń bastyǵy Qýatbek Naýatov.
Sondaı-aq ustalǵan kúdiktilerdiń osy ispettes ózge de qylmysqa qatysy bar-joǵy anyqtalyp jatyr. Tárkilengen telefondar aıǵaq zat retinde tirkeldi. QR QPK-niń 201-babyna sáıkes ózge aqparattar tergeý múddesine oraı jarıalaýǵa jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.