Almatyda polıseılerdiń qoǵamdyq kómekshilerine 18 mln teńgege qoldaý kórsetildi
Almatyda polısıanyń qoǵamdyq kómekshisi Ulan Salavatovtyń arqasynda uzaq ýaqyt boıy esirtki taratýmen aınalysqan qylmystyq top áshkerelendi, dep habarlaıdy QazAqparat tilshisi.
Jalpy, Almaty qalasynda polısıaǵa kómek kórsetetin segiz qoǵamdyq birlestik bar, barlyǵy 520 adam.
«Qalalyq polısıanyń qoǵamdyq kómekshileriniń, sondaı-aq qoǵamdaǵy oqıǵalarǵa nemquraıly qaramaıtyn azamattarymyzdyń jumysyn erekshe atap ótkim keledi. Olardyń kómeginiń arqasynda kóp qylmystyń beti ashylyp otyr. Máselen, ótken jyly polısıaǵa kómek kórsetken 520 polısıanyń qoǵamdyq kómekshisin 18 mıllıon teńgege marapattadyq. Mysaly, qala turǵyny Ulan Salavatovtyń arqasynda uzaq ýaqyt boıy esirtkini jasyryp taratýmen aınalysqan qylmystyq top áshkere boldy. Qalamyzdyń qoǵamdyq tártibine beı-jaı qaramaıtyn osyndaı belsendi azamattardyń kóbeıgenin qalaımyn, – dedi Qanat Taımerdenov.
Sondaı-aq, ol Almaty polısıasy qaladaǵy qaýipsizdikti qamtamasyz etý, qylmyspen kúresý, azamattardyń konstıtýsıalyq quqyqtary men bostandyqtaryn qorǵaý úshin bar kúsh-jigerin salatynyn atap ótti.