Qylmystyq baıýdyń mundaı ádisin buryn osyǵan uqsas qylmystar jasaǵany úshin birneshe ret sottalǵan 44 jastaǵy J.esimdi azamat oılap tapqan, dep habarlaıdy Almaty-akshamy.kz.
Polisia.kz-tiń málimetinshe, er adamnyń jaqsy psıholog ekeni belgili boldy, ol áńgimelesýshiniń senimine op-ońaı kiredi eken.
«Bul jaǵdaıda kúdikti ózin memlekettik organdardyń biriniń ókilimin dep tanystyrdy. Ol shyǵarmashylyq ujymdarǵa qońyraý shalyp, olardyń jetekshilerin elordadaǵy úlken konsertterge qatysýǵa shaqyryp, sonymen qatar joǵary qalamaqy men tolyq anshlagty ýáde etken. Biraq sharany “uıymdastyrýshy” aldymen eki baǵytqa bılet qunyn jáne búkil ujymnyń qonaqúıde turý aqysyn tóleýdi surady. Jábirlenýshilerdiń keıbiri beıtanys jigitpen yntymaqtasyp, onyń talaptaryn oryndaǵan. Sońynda ýáde etilgen konsert te, aqsha da joq», – dep málimdedi Almaty qalalyq polısıa departamenti bastyǵynyń orynbasary Dıdar Ahanov.
Kúdiktini Bostandyq aýdandyq PB-ǵa qarasty polısıa bólimi men qalalyq krımınaldyq polısıa basqarmasynyń qyzmetkerleri ustady. Ol ÝUI-ǵa qamaýǵa alyndy. Polısıa ustalǵan adamdy tanyǵan jaǵdaıda, azamattardan myna telefondar arqyly habarlasýdy suraıdy: 8-707-515-47-35 jáne 8-700-771-81-77. QR QPK-niń 201-babyna sáıkes, ózge aqparattar tergeý múddesine oraı jarıa etýge jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyqbuzýshylyq jasaýda kinásiz dep tanylady.