Kásipkerler óz aýmaǵynda qar jınap, saqtaǵany úshin ákimshilik jaýapqa tartylǵan.
Almaty polıseıleri kásipkerlik sýbektilerin zańsyz jaýapqa tartqany anyqtaldy, dep habarlaıdy Almaty-akshamy.kz.
Almaty qalalyq prokýratýrasynyń mobıldi toby Almaly aýdanynyń jergilikti polısıa qyzmetkerleriniń bıznes sýbektilerin zańsyz ákimshilik jaýapqa tartý faktilerin anyqtady.
Prokýratýranyń málimetine sáıkes, birqatar kásipkerler QR ÁQBK-niń 505-baby boıynsha óz aýmaǵynda qar jınap, saqtaǵany úshin ákimshilik jaýapqa tartylǵan.
Degenmen, Almaty qalasynyń aýmaǵyn abattandyrý erejesiniń 88-tarmaǵyna sáıkes, aýla aýmaqtarynan jáne kvartalshilik ótpe joldardan kúrelgen qardy, jaıaý júrginshilerdiń erkin júrýine jáne avtokóliktiń qozǵalysyna kedergi keltirmeıtin orynda jınaýǵa ruqsat etiledi.
«Atalǵan faktiler boıynsha prokýratýra dereý materıaldardy zerttep, kásipkerlerge qatysty ákimshilik materıaldar boıynsha prokýrorlyq akt keltirdi», - dep habarlady Almaty prokýratýrasy.