Almaty qalasynyń Medeý aýdandyq polısıa basqarmasynyń qyzmetkerleri iri alaıaqtyq isin áshkereledi.
Quqyq qorǵaý organdarynyń jedel ári kásibı áreketteriniń arqasynda jergilikti turǵynnyń quqyǵy qalpyna keltirildi, dep habarlaıdy aqshamnews.kz Polisia.kz-ke silteme jasap.
Alaıaqtar azamattyń páterin zańsyz ıemdenýge árekettenip, ony aldap ketken. Alaıda Medeý aýdandyq polısıa basqarmasynyń anyqtaý bóliminiń qyzmetkerleri bul qylmysty tereń zerttep, árbir epızodty muqıat taldaýdyń arqasynda ádilettilikti qalpyna keltirdi. Jábirlenýshi polısıanyń jedel ári adal eńbegine alǵys bildirip, quqyq qorǵaý organdarynyń basshylyǵyna hat joldady.
– Medeý aýdandyq polısıa basqarmasynyń anyqtaý bóliminiń qyzmetkerleri páterimdi zańsyz ıemdenýge baılanysty alaıaqtyq isti kásibı deńgeıde tergedi. Olar árbir jaǵdaıdy muqıat zerttep, ádilettilikti qalpyna keltirýge kómektesti. Polısıa qyzmetkerlerine kásibıligi, adamgershiligi jáne bizge degen shydamdylyǵy úshin úlken alǵysymdy bildiremin. Bizdiń quqyq qorǵaý organdarynda óz isiniń naǵyz mamandary men adam taǵdyryna beı-jaı qaramaıtyn azamattardyń qyzmet etip jatqany maqtanarlyq jaıt, – dep jazylǵan hatta.
Almaty qalasy polısıa departamentiniń baspasóz qyzmeti bul oqıǵa – polısıa qyzmetkerleriniń zań ústemdigin saqtaýdaǵy jaýapty jáne adal eńbeginiń jarqyn dáleli ekenin atap ótti.