Halyqaralyq nashaqorlyqqa qarsy kúnniń aıasynda mektep oqýshylary men kolej stýdentteri qatysqan shaǵyn fýtbol jáne voleıbol týrnırleri ótti.
Almaty polıseıleri Halyqaralyq nashaqorlyqpen kúres kúni qarsańynda sporttyq onkúndik ótkizdi, – dep habarlaıdy Almaty-akshamy.kz. Polisia.kz. saıtynyń habaryna silteme jasap.
İs-sharany esirtkige qarsy kúres basqarmasynyń, ákimdiktiń jáne bilim basqarmasynyń qyzmetkerlerimen birlesip ótkizdi. Oıynshylary 10-13 jas aralyǵyndaǵy balalardan quralǵan 46 fýtbol komandasy jáne 14-16 jas aralyǵyndaǵy jasóspirimderden quralǵan 10 voleıbol komandasy marapattar men kýboktar úshin saıysqa tústi.
«Bizdiń ortaq maqsatymyz – esirtkisiz bolashaq qurý. Deni saý urpaq – elimizdiń bolashaǵy. 1987 jyldan bastap, jyl saıyn 26 maýsymda álemdik qoǵamdastyq Halyqaralyq nashaqorlyq pen esirtkiniń zańsyz aınalymyna qarsy kúndi atap ótedi. Jasóspirimder men jastar arasyndaǵy nashaqorlyq – kúnnen-kúnge órship kele jatqan jahandyq másele. Bul - zamanymyzdyń eń qorqynyshty qubylystarynyń biri. Kún saıyn kóptegen adamdar esirtki tuzaǵyna ilinýde, onyń kómegimen kúndelikti problemalardan jasyrynýǵa tyrysady. Óz ómirine baılanysty mundaı eksperımentter úshin aqy tóleý sheksiz, al nátıjeleri keıde qaıtymsyz bolady», – dedi Almaty qalalyq PD esirtkige qarsy kúres basqarmasynyń bastyǵy Erlan Almaǵambetov.
Sonymen qatar spıker búginde Qazaqstanda esirtkige qarsy naqty jáne dáıekti strategıa júzege asyrylyp jatqanyn eske saldy. Onyń aıasynda nashaqorlyqtyń aldyn alýǵa, eskertýge jáne jolyn kesýge baǵyttalǵan birqatar jobalar bastaldy.
«Biz barlyǵyn esirtkiden, temekiden jáne alkogólden bas tartýǵa, esirtki jáne alkogoldi usynǵan adamǵa «JOQ» dep naqty aıtýǵa, psıhıkalyq belsendi zattardy qoldanýǵa baılanysty jaǵdaılardan aýlaq bolýǵa jáne ómirdi, sportty, salaýatty ómir saltyn tańdaýǵa shaqyramyz», – dedi Erlan Almaǵambetov.