Qazaqstandaǵy sanıtarlyq-epıdemıologıalyq jaǵdaı jaqsaryp keledi.
QR Premer-Mınıstri Asqar Mamınniń tóraǵalyǵymen ótken Úkimet otyrysynda eldegi sanıtarıalyq-epıdemıologıalyq jaǵdaı qaraldy, dep habarlaıdy Almaty-akshamy.kz Primeminister.kz saıtyna silteme jasaı otyryp.
Densaýlyq saqtaý mınıstri Alekseı Soı halyqty vaksınalaý barysy men qazirgi jaǵdaı týraly baıandady.
Elimiz COVID-19 taralý qarqyny boıynsha «jasyl» aımaqta ornalasqan. Vırýstyń reprodýktıvtik ındeksi 0,9, ınfeksıalyq tósek-oryn júktemesi 23%-dy, reanımasıalyq tósek-oryn júktemesi 21%-dy quraıdy.
«Qyzyl aımaqta» Nur-Sultan qalasy, «sary aımaqta» Atyraý, Batys Qazaqstan jáne Qaraǵandy oblystary ornalasqan. Qalǵan 13 óńir – «jasyl aımaqta». Búgingi tańda 2,5 mln-nan astam adam birinshi komponentti, 1,4 mln-nan astam adam ekinshi komponentti aldy.
Úkimet basshysy Densaýlyq saqtaý mınıstrligi men ákimdikterge sanıtarlyq-epıdemıologıalyq jaǵdaıdy baqylaýda ustaýdy, Nur-Sultan qalasynyń ákimdigine sanıtarlyq-epıdemıologıalyq sharalardy saqtaýǵa jáne halyqty vaksınalaýǵa erekshe nazar aýdarýdy tapsyrdy.
«Maska taǵý rejımi, ásirese, ǵımarat ishinde saqtalady. Monıtorıńtik toptar jumysty jandandyrsyn. Aımaqtaǵy kórshilerimizde aýrýdyń ósýi baıqalady, sondyqtan qosymsha aldyn alý sharalaryn qabyldaý qajet. Eń aldymen, vaksınamen qamtýdy keńeıtý kerek. Vaksınalaýdyń kúndelikti kólemin arttyrǵan jón», — dedi Asqar Mamın.
Premer-Mınıstr Ashyq qosymshasyn odan ári engizýdi, aqparattyq-túsindirý jumystaryn kúsheıtýdi jáne halyqty vaksınalaýǵa yntalandyrýdyń pármendi tetikterin ázirleýdi tapsyrdy.