Ý. esimdi azamat ýaqytsha ustaý ızolátoryna qamaldy.
Almaty polıseıleri páter urysyn ustady. Ol altyn buıymdardy urlap, úı ıesine 200 myń teńgeden astam materıaldyq zalal keltirgen, dep habarlaıdy Almaty-akshamy.kz.
İshki ister mınıstrliginiń resmı saıtyndaǵy málimet boıynsha, buryn sotty bolǵan 1973 jyly týǵan Ý. esimdi azamatty ótken kúni Gagarın kóshesindegi úılerdiń biriniń aýlasynda jedel qyzmetkerler ustaǵan.
«Ustaýǵa birneshe mınýt qalǵanda sottalýshy almatylyq qyzdyń páterin tonap ketken. Sol jerden altyn buıymdardy urlap, úı ıesine 200 myń teńgeden astam materıaldyq zalal keltirgen ol kire beristen shyǵa bergende quryqtaldy. Kúdiktiden tabylǵan "olja" prosesýaldyq tártippen tárkilendi. Sonymen qatar, jedel tergeý toby kúdiktini tekserý kezinde tabylǵan pnevmatıkalyq tapanshany da qylmystyq is materıaldaryna tirkedi. Ý. esimdi azamat ýaqytsha ustaý ızolátoryna qamaldy», – dep málimdedi Almaty qalasy PD krımınaldyq polısıa basqarmasynyń bastyǵy Qýatbek Naýatov.
Mamandardyń aıtýynsha, qazirdiń ózinde polıseılerde ustalǵan adamnyń osyndaı úsh urlyqqa qatysy bar ekendigine senimdi derekter bar. Sotqa deıingi tergeý aıaqtalǵanǵa deıin jeńil aqshaǵa áýesqoıdyń «qyzmettik tizimi» tolyqtyrylýy múmkin.
