Tórt adam 8 qapqa salynǵan 1200 múıizdi satpaq bolǵan.
Olardyń bul zańsyz áreketi Almaty qalasy PD uıymdasqan qylmysqa qarsy kúres basqarmasynyń qyzmetkerleri júrgizgen arnaıy is-sharanyń nátıjesinde anyqtaldy, dep habarlaıdy Almaty-akshamy.kz Polisia.kz-ke silteme jasap.
"Arnaıy is-sharanyń negizgi kezeńin Almaty oblysynyń aýmaǵynda jedel qyzmetkerler men arnaıy jasaq júrgizdi. Ol jerde Hyundai avtokóligi toqtatyldy, onyń ishin tintý barysynda 1212 dana kólemindegi 8 qap múıiz tabyldy jáne tárkilendi. Kúdiktiler PD-nyń ýaqytsha ustaý ızolátoryna qamaldy. Sırek kezdesetin jáne quryp ketý qaýpi tóngen, sondaı-aq tyıym salynǵan ósimdikter men janýarlar túrlerimen, olardyń bólikterimen nemese derıvattarymen zańsyz aınalysý deregi boıynsha sotqa deıingi tergeý bastaldy", – dedi Almaty qalalyq polısıa departamenti bastyǵynyń orynbasary Qýatbek Naýatov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.